Friday, November 28, 2014

‘Lamu ga madu gaw mungdan re’ ngu ai tara hpe yisun galaw ni ninghkap


Nov-28-2014 asuya a lamu ga madu tara nhprang hpe Myitkyina kaw ya na zawn ninghkap n-gun madun nga yang

Jinghpaw Mungdaw Myitkyina ginwang hta mungshawa ningpawt uhpung uhpawng ni, yisun hkauna masha ni hte hpawn shawa masha marai 150 jan gaw amyu sha lamu ga akyu jashawn hkrang nhprang ntsa sawn maram ai bawngban hpawng galaw nhtawm ninghkap n-gun madun mat ai nga n-gun madun mat ai ni kawn tsun ai.

Thursday, November 27, 2014

Asuya UPWC hte NCCT hkrum shaga na lam, masa hku myit hkrum


Mungdan Ting Madang Gap Hkat Jahkring Bawngban Jahkrup Hpung (NCCT) hte Munghpawm Simsa Lam Hkrang Shapraw Komiti (UPWC) ni du na December 25 ya n du yang kalang bai hkrum shaga na matu masa hku myit hkrum da ai lam lu da sai nga Myanmar Peace Center (MPC) kawn Slg. La Mawng Shwi tsun ai.

Tuesday, November 25, 2014

Myen asuya jasat simsa lam hkra ai ngu UWSA hte SSPP tsun

KIA hpyen du jawngma ni

Wunpawng Mungdan Shanglawt Hpung (KIO) Ginjaw Laiza du jawngma 23 si ai lam ntsa ninghkap ai lam hte simsa lam hkrang shapraw wa ai lam hpe hkra shangun ai nga UWSP, NDAA (Mongla) hte SSPP/SSA uhpung ni kawn ninghkap ni lam tsun dat ai.

Myen asuya dap KIO maga laknak kaba matut gap


Wunpawng Mungdan Shanglawt Hpung (KIO) ginra kata Myen asuya dap kawn laknak kaba ni matut gap bun nga ai majaw tsin-yam dabang 2 na mare masha ni hprawng yen hkawm ra mat nhtawm mungdan gadaga a garum ntum ai lam mung hkring nga ai lam KIO tsun shaga ahkang lu wa hte hpyen yen lakawn lanawn komiti kawn lit nga ai ni tsun ai.

Saturday, November 22, 2014

Dingbai dingna lapran KIA du jawngma yawn hkyen hpawng galaw

 Nov 22-2014 hkrat sum ai KIA du jawngma 23 a yawn hkyen hpawng galaw nga yang, Shatapru Manau Wang, Myitkyina

Jinghpaw Mungdaw Myitkyina ginwang Shata Pru Manau Wang e KIA Du jawngma ni hkrat sum ai lam myit dum akyu hpyi hpawng 2 ya galaw wa ai hta Myen asuya daru magam manat ai ni kawn Amyu Sha Dawnghkawn hpe raw kau na matu tsun nga ai lapran galaw mat wa ai re nga akyu hpyi hpawng shanglawm ai ni tsun ai.

Thursday, November 20, 2014

Jinghpaw labau hta kaba dik yawn hkyen hkrum ai akyu hpyi hpawng galaw


Myen asuya dap laknak kaba gap ai lam a majaw Wunpawng Mungdan Shanglawt Hpung (KIO) Du Jawngma ni hkrat sum mat nhtawm yawn hkyen masat dingsat nhtoi hku nna myit dum akyu hpyi hpawng hpe Jinghpaw Mungdaw Myitkyina ginwang Hkristan Ginra hta daihpawt daw hkying 9:00 kawn hkying 12:00 du hkra shawa masha ni galaw ma ai.

Myen a KIO hpe yupnga magra gasat ai lam, walang gale ai jasat ngu UNFC tsun


Wunpawng Mungdan Shanglawt Hpung (KIO) hpe Myen asuya dap ni gap gasat ai lam mabyin walang gale ai jasat re ngu aja awa jahpyak ai lam Amyu Sha Hpyen Masa Mungmasa Dap Hpawm (UNFC) kawn November 20 ya shani tsun dat ai.

Myen dap gasat ai kaw Du Jawngma 23 si, 20 hkala ai hpe KIO jahpyak



Myen asuya dap a ma ja laknak kaba gap bun ai majaw Wunpawng Mungdan Shanglawt Hpyen Dap (KIA) Hpyen Du Jawnma marai 23 si nna sharin sara ni hte hpawn jawngma yawng marai 20 hkala hkrum mat ai Myen asuya dap a sat lawat ntsa aja awa ninghkap ai lam November 20 ya shani KIO kawn tsun dat ai.

KIO hte Wunpawng Jinghpaw Myu Sha ni myit yu ra ai aten du sai (Ningmu)

 Sutdu N'sang Tu Awng, Ningbaw, Jinghpaw Wupawng Amyu Sharawt Hpung

Wunpawng Mungdan Shanglawt Hpyen Dap (KIA) gaw hpyen hpaji hte mungkan hpaji ni hpe chye ging ai daram chye chyang nna Wunpawng Mungdan masha ji nban ni yawng hpe shim lam lu la hkra ngu nna hpaw ninghtan da ai re. Dai hte maren mungshawa hte hpyenla mung Hka hte Nga zawn hpyenla mung mungshawa, mungshawa mung hpyenla shada kraw rawang sindai machyi hkat ai majaw dai ni na nhtoi gaw mungshawa hte Wunpawng Mungdan Shanglawt hpyendu hpyenla ni a kaba dik ai tsadan hpyen a lata hta hkrat sum ai nhtoi rai nga mali ai.

Wednesday, November 19, 2014

Asuya hte gasat ai majan e KIA Du langai hkrat



Jinghpaw Mungdaw Manje ginwang daw Wunpawng Mungdan Shanglawt Hpyen Dap (KIA) a Dap Ba (3) npu Dap Dung (27) ginra kata asuya hpyen dap hte majan byin mat ai hta KIA maga kawn Du Hpauje La Doi hkrat sum mat ai nga KIA Dung (12) hte (27) kawn lit nga ai ni tsun ai.

Myen asuya gap ai laknak kaba a majaw KIA hpyen du jawng na marai 20 rap si

KIA hpyendu shalat jawng, Woi Chyai Bum

Wunpawng Mungdan Shanglawt Hpung (KIO) Ginjaw Laiza de Hka Ya Bum daju Myen asuya Hk.M.Y Masat (389) dap dung kawn gap bang dat ai 105 MM myawk si kaba Hpyen Du Shalat Jawng ang ang kaw hkrat kapaw nna Du Jawngma marai 20 kalang dat rap si mat nhtawm marai 16 ningma sawng hkala nba hkrum mat ai nga KIO a tsun shaga ahkang lu ai Slg. Lah Nan tsun ai.

Tuesday, November 18, 2014

Nanghpam tsi mawan dut mari masha marai 7 hpe rim sadi jaw


 Myitkyina shara mi kaw mu lu ai kani nanghpam shalawt gaiwang ndau

Jinghpaw Mungdaw Myitkyina ginwang Kachin Tsu, La Hpa jakli daru mayan shanu nga ai nta ni kawn nanghpam tsi mawan dut mari ai masha marai 7 hpe nawku hpung Nanghpam Tsi Mawan Pat Jasan Hpung kawn November 15 ya shani rim jep nhtawm sadi jaw mat wa sai lam chye lu ai.

Monday, November 17, 2014

UNFC ntsa ningmu yu shut ai lam hpe asan sha sanglang dan

UNFC Daphpawm a N/T Nai Han Ta

Amyu Sha Hpyen Masa Mungmasa Daphpawm (UNFC) hte Munghpawm Simsa Lam Hkrang Shapraw Komiti (UPWC) ni Ne Pyi Daw hta ntsa lam hkrum shaga mat ai shaloi UNFC ntsa ningmu yu shut ai lam hpe asan sha hparan jasan la lu sai nga UNFC Ningtau Amu Madu (1) Slg. Nai Han Ta kawn tsun ai.

KBC amu madu gaw hpyen yen ni a lam Gumsan Magam Obama hpe tang madun

Rev. Dr. Hkalam Samson, Jinghpaw bunghkaw hte. Sumla: KBC

Jinghpaw Wunpawng Hkalup Hpung Ginjaw (KBC) kawn Amu Madu Hpung Up Sara Rev. Dr. Hkalam Samson gaw mungchying mungshawa uhpung 15 hte rau Amerikan Gumsan Magam Barack Obama hte Yangung Myu hta hkrum zup ai aten shinggyim ahkaw ahkang hte Jinghpaw hpyen yen tsin-yam masha ni a lam hte seng nna tang madun bawngban mat ai lam chye lu ai.

Myen asuya dap hte KIA majan bai byin


Jinghpaw Mungdaw Man Maw ginwang Manje ginwang daw kata Wunpawng Mungdan Shanglawt Hpyen Dap (KIA) Dap Ba (3) npu Dap Dung (27) hpyen hpung ni hte asuya dap ni November 16 ya shani ang katut majan byin mat wa ai nga KIA salang langai tsun ai.

Friday, November 14, 2014

Yi sa lam loi hkra kalang bai waw da ai lam hpe Yuzana Company jahten kau

Lai hprang masha ni kaw gumhpraw hta sha ai Lidu Lam, Yuzana company shagyit

Jinghpaw Mungdaw Hugawng Pa, Lidu Lam mayang Yuzana Company pat hkum da ai yi sa lam dingsa hpe Wa Ra Zup mare na yi sun hkauna galaw masha ni dangdi dangdep ai hku galaw sha nga ai yi sa lam loi na matu kalang bai gram lajang da ai hta company kawn lam hpe November 14 ya shani jahten kau ya ai lam chye lu ai.

Wednesday, November 12, 2014

Mungdaw ni hta shinggyim ahkaw ahkang tawt lai lam ni naw nga nga


Myen hpyendap hte DKBA majan a majaw hprawng yen ai Kayin mare masha ni

Amyu sha bawsang ginra Jinghpaw, Kayin hte Sam Mungdaw kata shinggyim ahkaw ahkang tawt lai lam ni naw nga nga ai masa hpe “Attacks on Peace” ga baw hte Htai Mungdan nga shinggyim ahkaw ahkang shamu shamawt ai ni kawn bawngban hpawng hpe Htai Mungdan Chiang Mai Dakkasu hta November 12 ya shani galaw mat wa sai rai nga ai.

Tuesday, November 11, 2014

RFA Kachin Language TV Program, 2014 November 1st Week

Manwin e kani nanghpam pat jasan shamu shamawt lam galaw



Jinghpaw Mungdaw Manmaw ginwang Manwin mare hta nawku hpung Nanghpam Tsi Mawan Pat Jasan Komiti ni gaw nanghpam tsi mawan hkoi san lam a matu ginra buga masha ni hpe hpaji jaw laika pa ni gam garan nhtawm sadi jaw pyendau ni sharawt ai shamu shamawt masing ni galaw ai lam chye lu ai.

Monday, November 10, 2014

Adaw-atang hprut, sat hkrum ai hpe company gumhpraw jaw na lam tsun


Company kabai kau ai shingbut kaw Yemase hta ai ni, Hpakan lungseng maw

Jinghpaw Mungdaw Hpakan ginwang Lawng Hkang, Madang Yang mare kawn asak 20 ning pang Slg. Hpuklawng Gum Ja Awng ngu ai Zelum a si mat ai amu hte seng nna Tau-pa Chye seng htu seng shap company gaw machyi sum gumhpraw kyat sen 200 jaw na nga tsun mat ai lam si mat ai wa a kahpu Slg. Brang Nan kawn tsun ai.

Tuesday, November 4, 2014

N tara je yang hkrum ai Jinghpaw hpyen yen 2 dat ya na akyu hpyi lamang galaw

Shwe Tset hpyen yen dabang na Slg. Lahpai Gam hte Slg. Brang Yung yan gaw KIA masha re ngu n tara rim zingri hkrum ai shaga, shaning galu htawng jahkrat hkrum ai re

Jinghpaw hpyen yen tsin-yam masha Slg. Lahpai Gam hte Slg. Brang Yung yan hpe lawan dat ya na matu alak mi akyu hpyi ai hpawng hpe daini November praw (4) ya shani Myitkyina Ginwang Shwi Tset mare na Jinghpaw Wunpawng Hkalup Hpung nawku jawng gawknu e galaw sa wa ai hta mungshawa marai 1,400 jan sa du shang lawm ai nga Tara Kasa. Slg.G Ma Hka kawn tsun ai.

Monday, November 3, 2014

War Fund hta ai lam hte KIO masha (1) hte kahtawng masha hpe Myen asuya ni rim

Hpakan, KIA Dap 6 hpyenla ni

Jinghpaw Mungdaw Hpakan ginra Wunpawng Mungdan Shanglawt Hpyen Dap (KIA) Dap Dung (6) Dap Kung (2) Laisai Ginwang Daw na rung chyare langai hte kahtawng masha langai hpe Myen asuya dap kawn war fund (Hpan Gumhpraw) hta kahkyin ai amu hte rim da ai lam chye lu ai.