Friday, July 22, 2016

Myen hte KIA, shara lahkawng e gap hkat

Myen hte KIA, shara lahkawng e gap hkat

Wunpawng Mungdan Shanglawt Hpyendap KIA hte Myen asuya dap lapran, Jinghpaw mungdaw a sinpraw hte dingda shara lahkawng e July 21, mani gasat galat majan byin wa sai.

Tuesday, July 19, 2016

Ma 6 dinghku la, Myen hpyen ni a porter lahkawn hkrum

Ma 6 dinghku la, Myen hpyen ni a porter lahkawn hkrum

Waimaw ginwang ma 6 a kawa langai hpe ‘rai gun porter hte ginra lam madun’ hku nna Myen hpyen hpung ni rim woi mat ai gaw, daini hte rai yang lahkawng ya hpa shiga n na mat taw ai lam, shi hte ni nawn ai ni tsun ai.

Myen asuya dap hte KIA, shara lahkawng e gasat hkat

Myen asuya dap hte KIA, shara lahkawng e gasat hkat

Myen asuya dap hte Wunpawng Mungdan Shanglawt Hpyendap KIA lapran, July 18, mani shara lahkawng kaw gasat gala lam byin wa sai re.

Myen hpyen ni Jinghpaw kahtawng na dumhpau sinat rim zing la

Myen hpyen ni jinghpaw kahtawng na dimhpau sinat rim zing la

Hpakan lungseng maw de Wunpawng Mungdan Shanglawt Hpyendap KIA hte Myen asuya hpyendap lapran majan byin nga ten, Myen hpyen ni gaw Hpakan sa lam Jinghpaw kahtawng hkan na dumhpau sinat ni rim zing la wa sai re.

Sunday, July 17, 2016

Lahta Sam mung rudi amyusha ni ginlung let shawa n-gun madun

Lahta Sam mung rudi amyusha ni ginlung let shawa n-gun madun

Lahta Sam mung rudi Jinghpaw, Sam hte Balawng amyusha ni gaw hpyendap a ‘shinggyim ahkaw ahkang tawt lai hkrum nga ai lam hte simsa lam hte seng nna’ Lashu mare kaw asuya ninghkap n-gun madun ai lamang hpe July 16, mani galaw wa masai.

Saturday, July 16, 2016

Awng San Su Chyi hte hkrum na, UNFC ningbaw ni Yangon du

Awng San Su Chyi hte hkrum na, UNFC ningbaw ni Yangon du

UNFC, amyusha hpyen masa mungmasa daphpawm, ningbaw Du Kaba Nban La woi awn ai amyusha rawt malan hpung ningbaw ni gaw, Mungdan Hpaji Jaw Salang, Slg.jan Awng San Su Chyi hte hkrum shaga na matu, July 16, bat Kru Ya shani Yangon mare de du wa sai re.

Friday, July 15, 2016

Marang kaba htu nna Myitkyina mare hka hpyen hkrum

Marang kaba htu nna Myitkyina mare hka hpyen hkrum

KNG, Myitkyina - Marang htu ai matut manoi masum ya hkawt, mana sawng dik htu ai majaw dai hpawt daw kaw nna Jinghpaw mungdaw mare daju Myitkyina mare masha ni hkawm sa hkawm wa yak ai hte hka hpyen hkrum sha nga ai re.

Myen-KIA Hpakan lungseng maw e majan laja lana byin

Myen-KIA Hpakan lungseng maw e majan laja lana byin

Myen asuya dap hte Wunpawng Mungdan Shanglawt Hpyendap, KIA Masat 6 Dapdung hpyen hpung lapran, Hpakan lungseng maw e July 14, mani lani mi hta sha, lahkawng lang laja lana gasat gala majan byin wa sai re.

Wednesday, July 13, 2016

Gum Seng Awng manghkang, maga lahkawng sakse ni hpe jep san hpang

Gum Seng Awng manghkang, maga lahkawng sakse ni hpe jep hpang

Myen asuya hpyenla yan a gap sat hkrum ai, Jinghpaw computer dakkasu jawngma Shd. Gum Seng Awng a manghkang, shang n’nan tara hkam-tara shawk lahkawng maga na sakse ni hpe san jep ai lam, Myitkyina Masat (1) pyada dap e July 11, bat Langai Ya shani galaw wa sai.

Lahta Sam mung Munggu de asuya hpyen n-gun jat

lahta Sam mung Munggu de asuya hpyen n-gun jat

Lahta Sam mung Munggu, Wunpawng Mungdan Shanglawt Hpyendap KIA dapba 6 ginra de Myen asuya hpyendap gaw ndai shata praw kaw na shawoi na hta grau hpyen n-gun jat bang nga ai lam chye lu ai.

Tuesday, July 12, 2016

Mai Ja Yang Zuphpawng, Tsaban 21 Panglong Zuhpawng a matu ahkyak

Dr. Manam Tu Ja

Tinang rudi amyusha ahkaw ahkang tang madun ai shaloi, UNFC daphpawm woi awn ai amyu lakung laknak lang wuhpung yawng shanglawm let galaw na Mai Ja Yang zuphpawng a myit hkrum ai lam gaw Tsaban 21 Panglong Zuphpawng hta ahkyak madung rai na re nga, KSDP ningbaw Dr. Manam Tu Ja tsun wa sai.

J.W pati masum amu arau galaw sa wa na, magam dap 5 hpaw

Dr. Dau Hkam (pai), Slg. Gumgrawng Awng Hkam (ga ang), Dr.Manam Tu Ja (hka)

Jinghpaw mung masa pati masum shanglawm ai, Jinghpaw Mungmasa Mahkri Shawn Zinlum Komiti, KPCC gaw arau jawm ta tut bungli galaw sa wa ai kaw ahkyak ai magam dap 5 hpe hpaw shabawn dat sai re.

Friday, July 8, 2016

Hpyen masa shamu shamawt hkawm ai myen hpyen ni hpe KIA ninghkap gasat

Hpyen masa shamu shamawt hkawn ai myen hpyen ni hpe KIA ninghkap gasat

Myitkyina-Manmaw lam ntsa, Gang Dau Yang mare a sinna maga, Wunpawng Mungdang Shanglawt Hpyendap KIA uphkang ginra kata hpyen masa shamu shamawt lung wa ai Myen asuya hpyen hpung hpe KIA hpyen hpung ni July praw 7 ya shani bawm hte hkap gasat dat sai re.

Thursday, July 7, 2016

Danai ginwang kata hka hpyen hkrum nga

Hka lim wa ai Danai Mare, Hugawng Pa, Jinghpaw Mungdaw

Jinghpaw mungdaw Hugawng Pa, Danai ginwang kata ndai bat pru de kaw na marang n sim n sa htu ai majaw, Danai Hka tung kaba wa ai majaw buga masha ni hka hpyen hkrum nga ai lam chye lu ai.

Wednesday, July 6, 2016

Myen hpyen shawnglam dap kata shada gap sat hkat

June 26 ya shani Munggu makau Namsu kahtawng makau kaw shada sat hkrum ai, dap hprawng myen hpyen la

Shawnglam e du nga ai Myen asuya hpyen hpung kata hpyen ma langai tinang tsang du jum langai hte rau hpyenla masum hpe, shat sha ten gap sat kau nhtawm laknak hte hpawn hprawng mat ai lam July praw 5, mani byin wa sai re.

Hpakan de Myen hte KIA Dung (6), bai gap hkat


Hpakan lungseng maga Myen asuya dap hte Wunpawng Mungdan Shanglawt Hpyendap KIA Dapdung (6) lapran, dai hpawt daw gasat gala majan byin wa sai re.

Lisu pyitusit ningbaw ni hpe KIO shaga hkrum

Laiza, KIO ginjaw

Laknak hpai Lisu pyitusit hpung bai hpaw jat ai hte seng nna, lawnglam chye lu hkra seng ang ai Lisu amyusha ningbaw ni hpe KIO kawn shaga hkrum nga ai lam chye lu ai.