 |
| Bang Lum Bum Myen dap hpe KIA Dapba 6 ni sa gap |
Lahta Sam mung, Mung Ya hte Munggu lapran, Bang Lum Bum Myen asuya hpyendap hpe Wunpawng Mungdan Shanglawt Hpyendap, KIA Dapba 6 hpyen hpung ni, June 19, daini Laban Ya shana de hkying 7 daram hta sa gap gasat sai re.
KIA Dapba 6, Dapdung 36 Kung 4 hte Mungshawa Hpyen Hpung (MHH) Kung 1, yan jawm nna aten minit 20 jan sa gap ai shaloi, Myen dap maga laknak kaba ni hte mung nhtang gap ai lam ni nga ai lam, Munggu e du nga ai Dapba 6 salang langai KNG Jinghpaw Shiga Dap tsun shateng ai.
Ya ten Munggu ginra e Myen hpyen n-gun 300 jan du nga ai rai nna, shanhte shamu shamawt lam nga ai majaw ya na zawn Bang Lum Bum Myen dap hpe sa gap ai rai na re nga, lahta na mying n tsun mayu ai KIA Dapba 6 salang wa tsun ai re.
0 comments:
Post a Comment