Nawku hpung ni Hugawng Pa kani yi eka hkying 2 jan hkyen jasan kau

Pat jasan hpung hpe Wa Ra Zup mare e hkaptau la nga yang

Myitkyina, Hugawng Pa ginra lahkawng na nawku hpung pat jasan komiti pawng nna Jinghpaw Mungdaw kata Hugawng Pa, Danai ginwang e kani yi eka 2,236 hpe nhtoi 19 ya laman jahten kau ya lu ai lam chye lu ai.

Read More

Hugawng bu ni lamu ga bai lu la na lam, matut hpyi shawn

Mar-2 Yi Sun Hkauna Galaw Masha Nhtoi lamang, Wa Ra Zup

Jinghpaw mungdaw Hugawng Pa ginra Lidu lam Wa Ra Zup kahtawng kaw March shata praw 2 Yi Sun Hkauna Masha Nhtoi lamang galaw ai hta buga masha ni kawn asuya ahkaw ahkang lu ni de lawnglam 5 hpyi shawn mat ai.

Read More

7 lang na UPWC hte NCCT ni hkrum shaga ai lam, March shata ka-ang hta galaw na

Munghpawm Simsa Lam Hkrang Shapraw Komiti (UPWC) hte Mungdan Ting Gap Hkat Jahkring Bawngban Jahkrup Hpung (NCCT) ni du na March shata ka-ang ram hta 7 lang ngu na gap hkat jahkring bawngban jahkrup hpawng galaw na matu lahkawng maga myit hkrum da sai nga chye lu ai.

Read More

Majan a majaw mare masha 700 htawt hprawng hkawm nga

Lahta Sam mung Munggu ginwang daw kata na Myen asuya dap ni hte Wunpawng Mungdan Shanglawt Hpyen Dap (KIA) hte hpawn dap hpawm lapran majan byin ai majaw mare masha 700 hkawt hprawng yen hkawm nga ai lam Mungmau Ginwang Jinghpaw Wunpawng Hkalup Hpung a tsin-yam masha lakawn lanawn hpung kawn lit nga ai wa Sara Sumlut Brang San tsun ai.

Read More

Saranum 2 a manghkang lau sawk shapraw ya na matu Netherlands du Jinghpaw ni n-gun madun

Brussels Myen sumtsan salang rung shawng kaw ndai zawn Jinghpaw ni ninghkap n-gun adun nga yang

Hkum shan roirip zingri sat hkrum ai Jinghpaw Wunpawng Hkalup Hpung Ginjaw (KBC) Laika Hpaji Sasana Apnawng Saranum 2 a manghkang mabyin teng sawk shapraw ya na matu hte Laiza Hpyen Du Shalat jawngma ni si ai manghkang hparan shapraw ya na matu Netherlands du Jinghpaw Wunpawng myu sha ni woi awn let n-gun madun mat ai.

Read More

N tara gap sat hkrum ai Ja Seng Ing a kawa hpe je yang amying jahkrat

Ja Seng Ing

Lai wa sai lahkawng ning jan, Jinghpaw Mungdaw Hpakan ginwang kawn tsang 9 jawngnum sha Shy. Ja Seng Ing si ai manghkang hpe shawk shawn ai kawa; Slg. Brang Shawng tara dara sum mat nna February 13 ya shani htawng dam; shata 6 snr gumhpraw dam; kyat 50,000 jahkrat dat ai nga Slg. Brang Shawng kawn tsun ai.

Read More

Ginjaw Laiza makau de Myen Asuya Dap ni laknak kaba ni gap

Slg. Lah Nan, KIO ga shaga ahkang lu

Wunpawng Mungdan Shanglawt Hpung (KIO) Ginjaw Laiza shawnglam dap ni de Myen asuya dap kawn laknak kaba ni hte shani shagu gap nga ai majaw lahkawng maga hpyen masa shuk nga ai lam KIO kawn tsun shaga ahkang lu ai Slg. Lah Nan tsun ai.

Read More

KBC srn yan hpe roirip sat ai tara hkam shapraw lu hkra lusha gam akyu hpyi na

Jan 23, KBC laika hpaji sasana apnawng saranum lahkawng a makoi mayang poi, KBC Ginjaw Rung, Myitkyina

Lahta Sam mung Muse Ginwang Pangsai (Chyu Kuk) ginwang daw Namtau mare Kawng Hka kahtawng na Jinghpaw Wunpawng Hkalup Hpung Ginjaw (KBC) Laika Hpaji Sasana Apnawng Saranum Manran Lu Ra hte Tangbau Hkawn Nan Tsin yan hpe hkum shan roirip nhtawm zingri sat kau hkum ai shata mi hpring ai nhtoi, ladu hkrum ai February 19 ya shani hkying hkum 24 mungdan gadaga lusha gam akyu hpyi na matu KBC kawn ndau shabra dat ai.

Read More

Simsa lam a matu KIO gaw matut nna lata gindun sa mat na re

Slg. Lah Nan

Simsa lam gawgap na matu mungdan ting gap hkat jahkring lam hta bandung du hkra jawm shakut mat wa na re lam Wunpawng Mungdan Shanglawt Hpung (KIO) gaw daini wa ang ai (68) lang na Munghpawm Nhtoi hta ndau laika shale dat ai.

Read More

KBC saranum 2 a manghkang mabyin teng sawk shapraw ya na, ABCUSA hpyi

Rev. Dr. Roy Medley, Amu Madu, Amerikan Hkalup Hpung Ginjaw

Hkum shan roirip nhtawm zingri sat hkrum ai Jinghpaw Wunpawng Hkalup Hpung Ginjaw (KBC) Laika Hpaji Sasana Apnawng Saranum (2) a manghkang, tengman ai lam sawk shapraw ya na matu Myen Mung kaw du taw nga ai Amerikan Hkalup Hpung Ginjaw (ABCUSA) a Ninggawn Amu Madu Rev. Dr. Roy Medley gaw Jinghpaw Mungdaw Hkringmang Daju hte February praw (9) ya shani hkrum ai shaloi hpyi lajin dat ai nga KBC Amu Madu Rev. Dr. Hkalam Samson kawn tsun ai.

Read More

Lusha gadawn ai Hpakan tsin-yam masha ni hpe 88 Jawngma Hpung sa jaw

88 Myen jawngma ningbaw ni Hpakan e lusha gadawn nga ai hpyen yen ni de sa du garum

Jinghpaw Mungdaw Hpakan Ginwang Ginsi mare na Jinghpaw tsin-yam masha ni hpe 88 ban simsa lam hte branglang shinggyim uhpung uhpawng (Jawngma Hpung) kawn malu masha alu sa jaw lu sai nga 88 Jawngma Hpung Ningbaw Ko Mya Ae tsun ai.

Read More

Shinggyim ahkaw ahkang tawt lai lam sawk shapraw ai ni hpe jahkrit shama nga

Jan 22 ya shani Myitkyina kaw ramma ni ninghkap n-gun madun nga yang

Myen shi htawn ni hte shinggyim ahkaw ahkang a matu makawp maga tsun nga ai ni hpe tara jawat ai lam hte jahkrit shama ai lam ni jahkring na matu Fortify Rights shinggyim ahkaw ahkang uhpung kawn January praw 3 ya shani ndau laika shapraw dat ai.

Read More

Ginchyum n lu dat ai gap hkat jahkring bawngban hpawng, gade n na yang bai hpang sa

Munghpawm Simsa Lam Hkrang Shapraw Komiti (UPWC) hte Mungdan Ting Gap Hkat Jahkring Bawngban Jahkrup Hpung (NCCT) ni mungdan ting gap hkat jahkring lam a matu (7) lang ngu na bawngban hpawng hpe du na February (12) ya hpang Yangung mare daju e kalang bai hkrum shaga na matu myit hkrum ai lam lu tawn sai nga lahkawng maga na dat kasa ni tsun ai.

Read More

Chyat rawng nga ai Hpakan hpyen yen ni hpe 8 mali jawngma ni sa garum na

8 mali Myen jawngma ningbaw ni Hpakan de gawan du yang, 2012

8 Mali jawngma hpung gaw Jinghpaw Mungdaw Hpakan ginwang Ginsi mare kata na Jinghpaw hpyen yen tsin-yam masha ni a matu n-gu buri 1,000 hte laga malu masha ni sa garum na re lam 8 Mali Jawngma Hpung Ningbaw Ko Ma Ae kawn tsun ai.

Read More

Awng San magri sumla jung na aten rai n rai shi ai nga WMR sadi jaw

Awng San wa a 100 ning hpring masat dingsat hku nna Jinghpaw mungdaw Myitkyina ginwang hta hkrang bung magri sumla jung da na masing hpe aten rai n rai shi lam Wunpawng Amyu Sha Mungbawng Rapdaw (WMR) kawn Jinghpaw Mungdaw Hkringmang Daju hpang de sadi jaw laika sa dat ai nga WMR Ningbaw Duwa Lahtaw Hkun Seng tsun ai.

Read More

Myen asuya dap kawn Jinghpaw ramma 3, slg 1 hpe wan nat sat

Myen asuya dap a wan nat sat da ai mare masha 4 a moimang hpe sat da ai shara, Law Hkum Bum e lup makoi nga yang

Lahta Sam mung Muse ginwang Malun Bum Hka kahtawng na ramma 3 hte hpawn marai mali hpe Myen asuya hpyen dap ni rim mat ai hpang 7 ya mat mat ai kawn wan nat sat da ai mang hpe January 31 ya shani mu la ai nga Malun Bum Hka kahtawng na Sara Ja Hkun Awng tsun ai.

Read More

Federal munghpawm de na myit hkrum lakmat htu na ngu UNFC tsun

Hkun Uk Ka, UNFC amu madu-1

Du na February 12 ya shani wa ang ai (58) ning hpring Munghpawm Nhtoi hta Federal Munghpawm gawgap lam myit hkrum ga sadi lakmat htu na matu Amyu Sha Hpyen Masa Mungmasa Dap Hpawm (UNFC) gaw January 29 ya shani tsun ai.

Read More

Asuya kawn wa-lang gale nga ai jasat jahkring ging sai lam UNFC tsun

UNFC ningtau ningbaw Nai Han Ta

Lahta Sam Mung mare kahtawng na Jinghpaw Wunpawng Hkalup Hpung Ginjaw (KBC) kawn dat ai Laika Sasana apnawng Saranum 2 hpe roirip nhtawm sat kau ai manghkang gaw hpyen tara tawt lai shut shai ai lam rai nhtawm wa-lang gale ai jasat hpe jahkring ging sai lam Amyu Sha Hpyen Masa Mungmasa Dap Hpawm (UNFC) kawn tsun ai.

Read More

Myen asuya dap htim gasat ai majaw KIA dap langai kalut mat

Lahta Sam mung hta Myen asuya dap hte Wunpawng Mungdan Shanglawt Hpyen Dap (KIA) lapran January 25 ya shani gasat poi laja lana byin ngut ai hpang shana maga de KIA a shawnglam dap langai hpe htingnut kau ya sai lam KIA salang langai tsun ai.

Read More

Roirip sat hkrum ai KBC srn 2 a manghkang, pyada ni jep joi hpang

 Roirip zingri sat hkrum ai KBC laika sasana apnawng saranum 2 hpe January 22 ya shani ramma ni Myitkyina kaw ninghkap madun nga yang

Si mat ai Saranum 2 a moi mang hpe Muse Tsi Rung hta January 20 ya shani jep joi ngut sai raitim Myen asuya pyada dap gaw sawk jep malu ni hpe ndau shale ai lam n galaw ai sha Muse Hpada Dap kawn Kawnghka kahtawng masha ni hte hpyenla ni hpe shawng ningnan jep joi nga ai lam rai nga ai.

Read More