 |
| Sutdu N'sang Tu Awng, Ningbaw, Jinghpaw Wupawng Amyu Sharawt Hpung |
Wunpawng Mungdan Shanglawt Hpyen Dap (KIA) gaw hpyen hpaji hte mungkan hpaji ni hpe chye ging ai daram chye chyang nna Wunpawng Mungdan masha ji nban ni yawng hpe shim lam lu la hkra ngu nna hpaw ninghtan da ai re. Dai hte maren mungshawa hte hpyenla mung Hka hte Nga zawn hpyenla mung mungshawa, mungshawa mung hpyenla shada kraw rawang sindai machyi hkat ai majaw dai ni na nhtoi gaw mungshawa hte Wunpawng Mungdan Shanglawt hpyendu hpyenla ni a kaba dik ai tsadan hpyen a lata hta hkrat sum ai nhtoi rai nga mali ai.
Dai majaw, ndai zawn hkrat sum ai hpe arang shatai nna Wunpawng Mungdan Shanglawt Hpung ningbaw ningla ni, hpyendu hpyenla hte mungshawa ni yawng gaw yawn hkyen nga na malai hpyen wa hpe anhte mungdan kata kaw na gawt shapraw kau lu na myit hkrum n-gun kaba gaw, daini mungdan ntsa asak ap nawng kau sai hpyendu jawngma ni hte hkrat sum mat sai myu tsaw share shagan ni a marang e hpungdun kaba zawn pru wa sai.
Daini na nhtoi gaw Wunpawng Mungdan Shanglawt Hpung (KIO) hte Wunpawng Mungdan Shanglawt Hpyen Dap (KIA), Wunpawng Jinghpaw Myu Sha ni hpe Hpan Madu shadum ai rai sai. “Nanhte hkum mana sha nga mu” ngu nna mahtai kaba jaw ai nhtoi re.
Israel masha ni hpe jaw ai ahkaw ahkang anhte Kachin ni hpe mung jaw da sai. Raitim anhte Kachin ni gaw Israel ni a myit masin n lu la ai majaw Karai Kasang Israel ni zawn re ai masin bang ya ai rai sai. Ya mung naw mana sha na lam sha myit nga yang gaw anhte amyu ni hpe Karai Kasang pyi kabai kau ai kaw du mat chye ai hpe ningbaw ningla ni Karai jaw ai hpaji hte padang hkrun lam de n hkring n sa nsin nhtaoi woi sa wa ra nga saga ai. Mungshawa ji nban yawng mung hkan nang sa wa na ga ai.
Daini na yawn hkyen poi hta n du lu tim ndai shiga hte n-gun la ga ngu Wunpawng Mungdan Shanglawt Hpung hte hkrat sum mat sai kanu kawa dum nta masha ni hte rau sha yawn hkyen hkum let n-gun jaw dat n’ngai.
Sutdu N'sang Tu Awng
Ningbaw, Jinghpaw Wunpawng Amyu Sharawt Hpung (PKDS)
0 comments:
Post a Comment