 |
| Laiza, KIO ginjaw |
Laknak hpai Lisu pyitusit hpung bai hpaw jat ai hte seng nna, lawnglam chye lu hkra seng ang ai Lisu amyusha ningbaw ni hpe KIO kawn shaga hkrum nga ai lam chye lu ai.
Lai wa sai bat htum wa de Lisu amyusha ningbaw ni, KIO ginjaw Laiza muklum de du magang nga sai lam, KIO salang ni kawn chye lu ai.
KIA Dapba 2 ginra, Hugawng Pa, Danai maga Lisu pyitusit hpung hpaw wa sai shiga mawng pru nga ten, ya na zawn, Lisu ningbaw ni hpe KIO shaga hkrum ai lam rai nga ai.
Myen asuya hpyendap kawn, n-gun jaw, madi shadaw garum ya ai hte, Jinghpaw mungdaw kata, laknak hpai pyitusit hpyen hpung ni langai hpang langai hpaw wa ai re. Ya hpang jahtum hpaw shabawn dat ai, Lisu pyitusit hpung hte rai yang, yawng wuhpung 5 du sai. Kaga hpung ni gaw, Ah Dang woi awn ai Rawang pyitusit hpung, Lasang Awng Wa pyitusit hpung, Zahkung Ting Ying pyitusit hpung hte Sam Hkyeng pyitusit hpyen hpung ni rai nga ai.
Lai wa sai April shata htum wa de mung, KIO salang ni gaw Sam Hkyeng ningbaw ni hpe pyitusit hte seng nna tinang uphkang ai Miwa ga jarit makau Mai Ja Yang mare e shaga hkrum wa sai re.
0 comments:
Post a Comment