 |
| Hpyen masa shamu shamawt hkawn ai myen hpyen ni hpe KIA ninghkap gasat |
Myitkyina-Manmaw lam ntsa, Gang Dau Yang mare a sinna maga, Wunpawng Mungdang Shanglawt Hpyendap KIA uphkang ginra kata hpyen masa shamu shamawt lung wa ai Myen asuya hpyen hpung hpe KIA hpyen hpung ni July praw 7 ya shani bawm hte hkap gasat dat sai re.
Gang Dau Yang mare a sinna maga KIA Dap Nawng, Dapdung 253 makawp maga ginra Seng Mai kahtawng maga de shang shamu shamawt lung wa ai Myen hpyendap Hk.L.Y 63 hpyen hpung hpe hkap gasat dat ai re lam, KIA shawnglam shiga lawk kaw nna chye lu ai re.
Bawm hte hkap gasat ai hta Myen hpyen la 2 si nna, 8 hkala hkrum wa sai re lam KIA maga kaw nna chye lu ai.
April shata NLD asuya n’nan lung wa ai ten kaw nna, Myen hpyendap gaw Jinghpaw Mungdaw sinpraw hkran, Myitkyina-Manmaw lam hte Mali Hka lapran KIA dap ni hpe ye jasan kau na majan masing hpang wa ai majaw, dai ginra mayan shani shagu ngu na wuhpung lahkawng dap lapran gasat gala majan byin nga ai lam re
0 comments:
Post a Comment