 |
| Marang kaba htu nna Myitkyina mare hka hpyen hkrum |
KNG, Myitkyina - Marang htu ai matut manoi masum ya hkawt, mana sawng dik htu ai majaw dai hpawt daw kaw nna Jinghpaw mungdaw mare daju Myitkyina mare masha ni hkawm sa hkawm wa yak ai hte hka hpyen hkrum sha nga ai re.
Myitkyina, mare lawk shagu ngu na kaw hka hpring gabrat mat nna, sawng dik gaw Du Kahtawng, Myo Thit Gyi hte Aye Mya Thaya mare ni hta re.
Ya na zawn hka hpring gabrat ai gaw, Mali Hka tung kaba wa ai majaw n re sha marang kaba htu ai majaw rai nga ai re.
Lamu marang a majaw dum nta, laika sharin jawng hte lam n’maw ni hka lim mat nna lai s alai wa yak mat ai hte, nta rem dusat dumyeng ni hpe shim ai shara de htawt sit kau ra ai madang du mat ai re.
Raitim, daini shani ka-ang kaw nna lamu marang bai yawm mat ai hpang shara nkau hta hka bai hkrat mat sai lam chye lu ai.
Lai wa sai 2004 ning Mali Hka kaba maw ru byin ai hta Myitkyina ting hka lim mat nna, mare kata asuya laika sharin jawng ni nhtoi bat 2 pat kau ra sai re. Ndai kalang gaw, Mali Hka kaba ai majaw n re sha, lamu marang a majaw Myitkyina chyauman bu ni hka hpyen hkrum sha wa ai rai nga ai.
0 comments:
Post a Comment