 |
| Myen hpyen ni jinghpaw kahtawng na dimhpau sinat rim zing la |
Hpakan lungseng maw de Wunpawng Mungdan Shanglawt Hpyendap KIA hte Myen asuya hpyendap lapran majan byin nga ten, Myen hpyen ni gaw Hpakan sa lam Jinghpaw kahtawng hkan na dumhpau sinat ni rim zing la wa sai re.
Lai wa sai bat laman, Mugawng hte Kamai lapran Kahtan Yang hte Loi Seng, kahtawng lahkawng na dumhpau sinat ni hpe jahkrit shama ladat hte rim zing lahkawn la ai lam, kahtawng masha ni tsun ai.
July 12 hte 15 lapran, Myen hpyen Hk.M.Y 427 dap na Dujum Ne Lin Awng hte Dujum Htun Htun yan woi awn ai hte, dai kahtawng lahkawng na dumhpau sinat lau 22 hpe rim zing la ai lam, July 16 KIO Kachinnet shiga e mung tang madun ai hpe mu lu ai.
Mare masha ni dumhpau sinat n sa ap jang ‘tara upadi hte maren ahkyak la na’ ngu, jahkrit shama nna zing la ai re lam, matut chye lu ai.
Dumhpau sinat gaw, bum nga Jinghpaw amyusha ni a matu htunghking sutgan langai rai nga ai zawn, yi galaw, shan gap let madung kan bau ai ginra buga masha ni a matu mung n nga n mai lang ra ai arung arai langai rai nga ai re.
0 comments:
Post a Comment