Sunday, August 21, 2016

Ledo lam Dum Bung kaw Myen hte KIA Dap 11 gap hkat

KIA Dap 6 hpyenla ni, Hpakan

Daini Ledo lam Namti lahta Dum Bung mare makau e Myen asuya dap hte Wunpawng Mungdan Shanglawt Hpyendap KIA Dap 11 lapran, aten kadun gap hkat wa sai re.

Dai hpawt daw aten minit 20 daram gap hkat ai lam ginra buga masha ni hku nna chye lu ai.

Bai nna, dai hpawt daw Ledo lam dingyang, Danai de yu hkrat wa ai Myen hpyen ni hpe Loili Hka hte Ting Rat Hka lapran KIA Dung 20 ni bawm hte hkap gasat ai lam matut chye lu ai.

Ndai shara lahkawng majan e wuhpung lahkawng dap hta si hkala kade nga n nga n chye lu shi ai.

Kachin Sub-state, Lahta Sam mung de mung Myen asuya dap ni htu shadu ai lam law wa ai majaw, daini hkying 1 pm daram hta KIA Dung 9 hte Myen hpyen ni Bang Lung Bum hte Kong Mu lapran Numshang Hkyet Ntsa na bum kaw ang katut gasat poi byin wa sai re.

Wuhpung lahkawng maga si hkala shiga n chye shi ai.


0 comments:

Post a Comment