 |
| Lahta Sam mung Munggu ginra na KIA hpyenla ni. |
Mani, Laban shana hkying 5:30 P.M. hta Nam Hkam maga kawn asuya hpyen mawdaw 16 gaw Muse maga de du wa nna hpyen n-gun 40 jan hte gumra 5 mung htaw sa wa ai lam mare masha ni tsun ai.
Laban shani kaw na Myen asuya dap ni gaw Dapba (4) ginra de hpyen n-gun ni matut manoi jat bang wa nna Namtu maga kawn Dapdung (8) Mung Maw ginra de n-gun yawng 160 jan jat bang da ai lam, mying n kam brawng ai buga mare masha langai KNG Jinghpaw Shiga Dap de tsun ai.
“Wuhpung lahkawng re. Hpung langai mi gaw gumra gawt let hkying 9 daram kaw du ai. Bai nna hpung mi gaw hkying 11:30 daram hta hpyenla 100 daram hte du wa ai. Lagaw lam hku rai ma ai,” nga tsun ai.
Dai hte maren KIA Mungshawa Hpyen Hpung (MHH), Kung (5) ginra kata de mung, asuya hpyen n-gun marai 30 jan gaw, Kawng Gwi dap de n-gun jat bang wa ai lam Kung (5) na lit nga du langai tsun ai.
“Hpyen n-gun gaw htingnut ai lam n nga! shani shagu ngu na daram kachyi kachyi sa bang nga ma ai. Ladat hkum hkra hte jat bang nga nna lani mi marai 10 darm sa bang taw nga ai. Shara shagu nan re. Daini mung MHH dap na ramma langai hpe Pangsai mare kawn pru wa ai kaw asuya dap ni sinat hte madi nna Kawng Gwi dap maga de sa dat ai,” nga lahta na MHH hpyendu wa tsun ai.
Myen asuya dap Hk.L.Y Masat 240 (Sinli), Hk.L.Y Masat 69 hte Hk.L.Y Masat 290 dap ni gaw Nam Ja Rap e nga ai dap ni hpe jat bang wa ai rai nna, Salang Hkun Myat woi awn ai Kutkai N’gawn Hpyen (snr Pyitusit) mung lawm ai lam chye lu ai.
Myen asuya ni hte KIA lapran hpyen masa shuk nga ai hpe shayawm mat na matu hkrang shapraw nga ten Dapba (4) ginra Sam mung dingdung daw de dai zawn pawng hpawm masha n-gun yawng 1,000 jan jat bang wa nhtawm, hpyen n-gun ni matut jat bang dingyang rai nga ai majaw kade n na yang hkawng maga majan bai mai byin wa mai ai lam Lahta Sam mung KIA hpyendu ni tsun ai.
www.kachinnews.com
www.burmese.kachinnews.com
www.kahcin.kachinnews.com
www.kachin-news.blogspot.com
http://www.facebook.com/Kachin-News-Group
0 comments:
Post a Comment