Myen asuya nnan kawn, Wunpawng Mungdan Shanglawt Hpyendap (KIA) hpe gasat ai a ntsa ninghkap n-gun madun ai lam, Malaysia mungdan mare kaba Kuala Lumpur kaw nga ai, Myen asuya hkringmang rung makau kaw, Jinghpaw ni June 24 ya shani hta galaw wa sai re.
Ninghkap n-gun madun ai a madung yaw shada lam gaw, Myen hpyendap kawn KIO/A hpe June 9 ya shani kawn majan hpaw gasat wa ai hpe, jahkring kau na matu hte Jinghpaw Mungdaw hta hpyendap n-gun jat taw nga ai lam ni hpe dawm kau na matu re lam, ninghkap n-gun madun ai lam hta shang lawm wa sai, myusha langai kawn tsun ai.
Myen asuya a KIO/A hpe majan baw ai lam ntsa Malaysia Myen Sumtsan Kasa rung makau kaw ninghkap n-gun madun nga yang
“Anhte a sai daw chyen amyu sha ni hpe hkra wa ai majaw, anhte n ra sharawng ai majaw, ya na zawn ninghkap n-gun madun ai re” nga nna, ndai lamang hta shang lawm wa sai, Lama Zau Bawk tsun ai.
N’nan daw hta, masha 50 daram sha shanglawm na lajang tawn da tim, jahpawt daw n-gun madun ai aten hta gaw masha kaji kaba yawng 400 daram du mat ai majaw, Myen mung asuya hkringmang rung shawng kaw, ninghkap n-gun madun na matu, Malaysia mungdan a seng ang ai ni kawn, pat hkum wa ai majaw, hkringmang rung makau kaw sha n-gun madun ai lam galaw wa ai re lam, shi matut tsun ai.
Jinghpaw myusha 5,000 jan nga ai, Malaysia mungdan hta, ndai kalang gaw, masha n-gun law dik ninghkap n-gun madun ai lam re.
0 comments:
Post a Comment