Thursday, December 10, 2015

Myitkyina-Manmaw Lam dingyang Myen hpyen ni but jawng nga



Mani kaw nna lak lak lai lai Myen asuya hpyen hpung ni gaw Jinghpaw mungdaw Myitkyina-Manmaw mawdaw lam dingyang but jawng nga ai lam, buhkawm masha ni tsun ai.

Grau nna, Ja Pu hte Manmaw lapran lam dingyang Myen hpyenla gaw loi mi tsan ai hta hpung mi hpung mi rai but jawng nga ai hpe lak lak lai lai mu ai lam, buhkawm masha tsun ai.

Hpyenla ni gaw mani Manmaw kawn Myitkyina de wa ai buhkawm masha ni jawn ai mawdaw ni hpe hkap jahkring nhtawm, “hkum lai masa!…kapaw kau na” ngu jahkrit sharim tsun ai lam matut chye lu ai.

Ya na zawn ‘Manmaw lam dingyang Myen hpyen n-gun jahkrat tawn ai lam teng nna, hpa baw yaw shada ai gaw n chye shi ai’ nga KIO Ginjaw Laiza na lit nga Du Kaba Nhpang Naw Bu kawn KNG Jinghpaw Shiga Dap de tsun ai.

Myen asuya hte NCA Mungdan Ting Gap Hkat Jahkring Ga Sadi sen htu ai RCSS/SSA Sam hpyen-dingda gaw, Lahta Sammung KIA Dapba-4 ginra kata maden shang rawng nga ai ten, KIO Ginjaw ginra Manmaw Lam de mung Myen hpyen ni n-gun jat tawn ai lam re.


0 comments:

Post a Comment