Jinghpaw mungdaw dingda Manje mare a sinpraw-dingda maga Wunpawng Mungdan Shanglawt Hpyendap KIA Dung 1 ginra e Myen mung asuya dap hte gap hkat ai lam byin nga ai re.
Majan gaw bat Mali Ya shana de byin hpang wa nna hpang shani jahpawt daw hkying 11 daram du hkra byin ai lam, KIO/KIA ginjaw du salang ni tsun shateng ai.
KIA ni ‘n mai shang ai’ ngu masat ai shara de Myen hpyen ni shamu shamawt shang wa ai hpe KIA Dung 1 ni ninghkap gasat dat ai kaw nna matut manoi gap hkat wa ai re. Makau na KIA Dung 1 a Pa Daw Bum shawnglam dap hpe Myen ni amyawk gap sharu bun ai gaw dai majan byin ai shana de kaw nna hpang shani du hkra re lam, KIA shiga lawk tsun ai.
N’mawk ginwang kata na kaga KIA dap ni mung Myen hpyen shawnglam dap ni a laknak kaba hte jahkring jahkring jahte tam gap hkrum nga ai hpe KNG Jinghpaw Shiga Dap sagawn chye lu ai.
November praw 8 ra lata poi ngut ai bat mi hta, Mohnyin makau Loi Yang Bum e dap n’nan hpaw jat ai KIA Dapba (8) daju hpe Myen hpyendap gaw lagaw dap, laknak kaba dap, nbung dap ni hte kaba dik htim gasat majan baw nhtawm dai dapba daju hpe gasat zing la sai re.
0 comments:
Post a Comment