KIO Ningbaw Malai hte Myen Aung Min, alak mi hkrum

KIO Ningbaw Malai Kaba Nban La

Mani, July 19 Laban Ya jahpawt daw hta KIO Ningbaw Malai Du Kaba Nban La hte Myen asuya UPWC N/T Ningbaw U Aung Min yan, Htai mung Chiang Mai mare manam jarawp shara mi kaw, hkying hkum 2 daram alak mi hkrum shaga wa sai re.

KIO ginjaw gaw "Mungdan Ting Gap Hkat Jahkring Ga Sadi (NCA)" hpe lakmat htu na matu daw dan da sai lam Du Kaba Nban La tsun wa ai hpe hkrum shaga lam ngut ai hpang, U Aung Min tsun mat ai re.

KIO maga simsa lam hpe ra sharawng ai, NCA kade hkam daga jaw lu na ntsa chye mayu ai. Hkam daga jaw lu yang she lakmat htu ai lam galaw mayu ai, raitim Ginjaw Komiti gaw laknak htu na daw dan da chyalu rai sai lam, Du Kaba Nban La tsun wa ai hpe RFA Myen shiga hta tang madun ai re.

U Aung Min gaw KIO Ninggawn Amu Madu Dr. Lahkyen La Ja woi awn ai lahta, NCCT kaw nna lata san ai lahta tsang dat kasa hpung Senior Delegation hte mung hkrum shaga ai lam, matut chye lu ai.

Posted in: