Hpakan e Myen asuya dap hte KIA matut gap hkat

Hpakan, KIA Dap 6 hpyenla ni

Hpakan lungseng maw hta Myen asuya dap hte Wunpawng Mungdan Shanglawt Hpyendap KIA lapran May 10, dai hpawt daw gasat gala majan byin wa sai lam chye lu ai.


KIA Dapba 2 npu Dung 6 daju Nam Jan Hku maga Myen hpyen hpung ni lung wa ai majaw laja lana gasat gala majan byin wa ai lam hpe Hpakan mare masha langai tsun ai.

Bai nna shani ka-ang hkying 12 daram e Maw Wan lawk hta bawm langai kapaw wa ai lam ginra masha ni tsun ai.

Matut nna mana hkying 10 daram e mung Seng Tawng Pyada sin tap langai mung kadai re n chye ai ni a bawm hte kapaw gasat hkrum ai lam matut chye lu ai.

Mali ya laman gasat majan hta asuya dap hte Sam hkyeng pyitusit maga si hkala lam law wa ai majaw asuya maga hpyen nbungli lang wa na hpe mung shawa ni tsang nga ma ai re.

Ya na majan hta Myen maga Ts.K.Hk (7) (Hpe Hkung, Sammung dingda) npu hpyen hpung ni hte Sam hkyeng pawng hpawm dap ni shang lawm ai lam chye lu ai.

Ndai May praw 5 kaw nna daini du hkra byin ai majan hta KIA maga mung hkala nba hte mat taw ai hpyenla ni nga ai lam KIA shiga ni hta chye lu ai.

Posted in: