KIA Dap 6 daju hta Myen hpyendap dawnghkawn sharawt

KIA Dap 6 gaw gap ai Uru Hka, Ginsi mahkrai.

Hpakan Uru Sengmaw Ga, Ginsi mare KIA Masat 6 Dapdung daju kawng hta e Myen asuya dawnghkawn hpe February 23 bat Kru Ya shani kaw nna sharawt shadun nna asuya dap ni shara la dung hpang wa sai lam chye lu ai.

Myen asuya Dapnu tat-ma 88 hpyen hpung ni htu wa ai majaw Ginsi KIA Dap 6 daju hpe January 18 ya shani yen kau ya ai re.

Asuya hpyenla ni gaw Dap 6 lakjet gawknu na dung punghkum ni sha n ga hpyendap nta hkan na nga manga arung arai ni ma hkra hpe mawdaw 30 jan hte Hpakan de htaw la wa sai lam myi-chyaw-mu ai ni hku chye lu ai.

Matut nna Myen hpyen la ni gaw Ginsi mare, Baw Sa Di mare, Tanggau mare, Ginsi Hkaw mare hte dai grup yin na mare masha ni a nta ni lungseng htu ginra hkan na arung arai ni hpe langai hpang langai zaw si adup hpaw nna dum nta na arung arai ni hpe mawdaw 60 jan hte htaw la kau ya sai re lam buga masha ni kawn matut chye lu ai.

Ndai zawn Myen hpyenla ni a sat lawat ntsa buga masha langai gaw ndai zawn tsun wa sai re.

“Gumsan magam Thein Sein wa tsun ai, htim gasat majan jahkring sai nga gaw, alaga be be, gaman li la ga she re; n-teng ai; Gumsan magam wa ting a ga mung n mai kam mat sai; anhte mung masha ni matsan mayan rai salu salat hte tam da ai arung arai ni hpe alu tsu la kau ya masai; asuya hpyen dap rai taw kun ngu yang...damya zawn zawn...”

Bai nna Myen hpyendap gaw lungseng maw ni hta lungseng htu ai…yemase hta ai mungmasha ni hpe gap na matu February praw 1 kaw nna Marshal Law aming htuk tawn sai mung re.

www.kachinnews.com
www.burmese.kachinnews.com
www.kahcin.kachinnews.com
www.kachin-news.blogspot.com
http://www.facebook.com/Kachin-News-Group

Posted in: SHIGA