 |
| KIA Dap Ba 6 Dazik |
Dai hpawt, Lahta Sam mung Wunpawng Mungdan Shanglawt Hpyendap KIA Dapba 6 ginra hta Myen asuya dap hte aten minit 30 daram gap hkat wa sai re.
Monday, February 29, 2016
Dai hpawt KIA Dapba 6 hte Myen, minit 30 gap hkat
Dai hpawt, Lahta Sam mung Wunpawng Mungdan Shanglawt Hpyendap KIA Dapba 6 ginra hta Myen asuya dap hte aten minit 30 daram gap hkat wa sai re.
Saturday, February 27, 2016
Ba-Ka-Pa ginra e KIA Dapba (6) hpaw shabawn
 |
| KIA Dapba (6) hpaw poi lamang, Mai Ja Yang |
Lahta Sam mung, shawng de Myen Mung Kummyunit Pati, Ba-Ka-Pa ginra e Wunpawng Mungdan Shanglawt Hpyendap, KIA Dapba (6) hpe Feb 26, bat Manga Ya shani, tara shang hpaw shabawn dat sai re.
Thursday, February 25, 2016
Pat Jasan hpung gasat hkrum ai majaw Myitkyina tsi rung shawng shawa n-gun madun
 |
| Myitkyina tsi rung shawng shawa n gum madun |
dai hpawt daw Kambaiti Pat Jasan hpung ni hpe asuya BGF hte kani yi madu ni sinat bawm ni hte gasat ai a majaw PJS yawm htum marai 20 ya ten Myitkyina tsi rung kaw du nga sai re.
Mungshawa ni Myitkyina tsi rung shawng kaw ninghkap n-gun madun nga ai re.
Shingchyai e PJS 300, BGF a wang da hkrum nga
 |
| Feb 25-2016 Asuya BGF, jarit sin dap a sinat laknak bawm ni hte hkap gat hkrum ai kaw hkala hkrum ai Pat Jasan ap nawng masha ni. |
Ya hkyak hkyak asuya BGF, jarit sin dap jung ai Shingchyai hta mungshawa Pat Jasan marai 300 daram hpe ginra kani sun madu ni hte BGF 1,000 mi jan, sinat gap bun, bawm kapaw bun rai wang shakin da nga ai lam chye lu ai.
PJS n-gun sa jat ai ni bai hkap gap hkrum, langai hkala
 |
| BGF jarit sin hpuenla (pai) hte Myen hpyenla |
BGF dap ni Pat Jasan hpe gap gasat, 3 hkala hkrum
 |
| Jarit Sin Dap, BGF dap Myitkyina e hkap hkalum nga yang, 2010 |
Asuya Jarit Sin Dap, BGF kaw nna, Kambaiti de lung wa ai laknak n lang ai Pat Jasan hpung hpe dai hpawt hkap gap ai hta, n law htum marai 3 hkala hkrum ai lam Pat Jasan ningbaw ni tsun ai.
Wednesday, February 24, 2016
Mangshi Manau Poi Guinness World Record masum masat hkrum
 |
| Mangshi manu hpe Guiness World Record kaw nna February 22, 2016 shagrau masat ya |
Dai ning Miwa mung Mangshi mare e galaw ai Jinghpaw htunghking Manau poi gaw, mungkan ting hte seng ai Guinness World Record hpung a Hpan Masum masat shagrau ai hpe February 22 hta hkam la lu sai re.
Dingbai dingna n nga PJS hpung ni Lahpai Mare lai di sai
 |
| Pat Jasan hpung ni shang na Kambaiti kani sun map |
Dai hpawt Bum Tawng kaw nna bai rawt ai mung shawa Pat Jasan hpung ni ya ten Sadung, Gaw Nan hte Lahpai mare ni hpe, hpa dingbai dingna n nga lai di sai re.
Tuesday, February 23, 2016
Pat Jasan hpung ni Bum Tawng makau bai shingdan hkrum
 |
| Feb 23, 2016 Daini Washawnf Gate kaw nna Kambaiti de rawt lung wa ai, Pat Jasan hpunf hpe Bum Tawng hpyendap gate hta bai kahtap pat hkum tawn sai re. |
Dai ni hkying 2 daram hta Washawng gate kaw nna, bai pru wa ai Pat Jasan hpung hpe Bum Tawng Myen dap makau hta kalang bai pat hkum da sai re.
Pat Jasan hpung ni Kambaiti de bai rawt
 |
| Feb 23, 2016 Nhtoi bat mi tup Washawnf Gate hta hkum pat tawn ai Pat Jasan hpung ni Kambaiti de matut rawt lung nga yang. |
Myen asuya kaw nna bat mi tup pat hkum da sai mungshawa Pat Jasan hpung PJS gaw, Washawng gate Chipwi-Sadung lambraw kaw nna Kambaiti de dai ni Myen mung aten hkying 2 hta bai rawt lung wa sai re.
Sunday, February 21, 2016
Kambaiti pat jasan masing hpang sana, shawa 10,000 jan jawm akyu hpyi
 |
| Rev.Dr. Hkalam Samson, Kambaiti pat jasan masing tha Kambaiti lam, Chipwi-Sadung Lam Braw e du nga ai PJS hpung hpe Karai Kasang amungga hte n-gun ga tsun nga yang, Feb 21, 2016 |
Myen asuya uphkang ginra Kambaiti kani yi hkyen shamyit masing galaw hpang lu na matu mungshawa 10,000 jan shanglawm ai akyu hpyi hpawng kaba hpe Pat Jasan hpung ni shingdang hkrum ai shara e dai ni February 21 jahpawt daw hta galaw wa sai re.
Thursday, February 18, 2016
Kambaiti pat jasan masha 2,300 jan hpe asuya matut hkum da
 |
| Myen asuya Washawng gate na n shalai ai majaw, lam makau gimsum jahkrat nga ai Mungshawa Pat Jasan Hpung |
Myen asuya gaw kani yi shamyit ai masing n pat hkum ai lam tsun nga tim, ya Kambaiti pat jasan hpung, mungshawa n-gun 2,300 jan hpe Washawng Gate e lahkawng ya matut manoi pat hkum tawn ai re.
Wednesday, February 17, 2016
PJS hte hkrum na, mungdaw asuya shaga
 |
| PJS hte hkrum na, mungdaw asuya shaga |
Washawng e shingdang da hkrum ai Kambaiti pat jasan hpung hte seng nna, PJS hpung hte hkying 2 hta Myitkyina kaw hkrum shaga na matu, mungdaw asuya shaga tawn ai lam, chye lu ai.
Tuesday, February 16, 2016
Kambaiti de lung ai PJS hpung hpe Washawng gate hta pat hkum da
 |
| Washawng Gate e shingdang da hkum ai, Pa Jasan hpung ni |
Daini Myitkyina kaw nna Kambaiti de lung wa ai Jinghpaw Wunpawng mung shawa Pat Jasan Hpung mawdaw yan hpe Kambaiti-Chipwi Lambraw, Washawng Myen asuya gate kaw nna tsepkawp n shalai hkum pat da hkrum nga ai re.
Myen hpyendap, pyada ni Kambaiti Pat Jasan hpung hpe hkum pat
 |
| Feb 16, 2016 Kambaiti de lung wa ai Pat Jasan ni hpe Myen hpyendap ni pat tawn Yang |
Kade n na ai aten hta sha, kani yi dan shamyit na matu Kambaiti de raw tai, mungshawa Pat Jasan Hpung ni hpe Waimaw-Kambaiti mawdaw lam ntsa Myen hpyendap hte pyada ni, lam pat hkum nga sai re.
PJS hpung ninghkap na, kani yi madu ni lam hkap nga
Daini kalang bai, mungshawa Pat Jasan hpung ni Kambaiti de rawt na hkyen nga sai hte rau kani yi madu ni shanhte hpe ninghkap na matu lam hkap nga sai lam, chye lu ai.
Monday, February 15, 2016
Asuya-ginra kani yi shamyit na shawa n-gun jin jin rai
 |
| Waimaw du nga ai Pat Jasan Hpung |
Mungshawa n-gun kaba hte Kambaiti asuya uphkang ginra na kani yi hkyen shamyit na masing hpe ndai bat hta bai hpang sana re lam Jinghpaw Wunpawng Hkalup Hpung Ginjaw KBC gaw lai wa sai February 13 hta ndau shabra dat sai re.
Hpa majaw Pat Jasan hpe ninghkap ai?
 |
| Rev. Dr. Hkalam Samson |
Kambaiti kani pat jasan masing hta asuya hpyendap n shanglawm ai lam ntsa:
Saturday, February 13, 2016
Waimaw e PJS n-gun jat nga dingyang
 |
| Waimaw e dap jahkrat nga ai PJS hpung ni |
Kambaiti, BGF Jarit Sin Dap hte pyitusit ginra kata kani yi dan shamyit masing hta asuya shimlam n jaw sai lam tsun tim Waimaw de mungshawa Pat Jasan n-gun gahkyin ai lam dingyang rai nga ai re.
Valentine’s Day hta ramma ni nse nsa n galaw na Cambodia asuya sadi jaw
 |
| Phnom Penh, Cambodia |
Hpawt ni February 14, Valentine’s Day hta ‘tinang hte tinang nta masha ni a sari jahkrat ai arawn alai’ n galaw na matu jawngma ni hpe Cambodia asuya tau sadi jaw dat sai re.
Friday, February 12, 2016
Panglong na hpang ai Munghpawm kanang ta?
Panglong na hpang ai Munghpawm kanang ta? Munghpawm Myen Mungdan hpe gaw de ai daini February 12 hta 69 ning hpring sai re.
Thursday, February 11, 2016
Kambaiti BGF, pyitusit ginra kani pat jasan na asuya shimlam n lu jaw
 |
| Myen asuya npu BGF hte pyitusit uphkang ginra, Kambaiti e mu lu ai kani sun ni |
BGF, Jarit Sin Dap hte pyitusit n’gawn hpyen ni uphkang ai Kambaiti ginra e kani sun hkyen jasan masing hta asuya shimlam matut n lu jaw sai tsun wa ai hpe chye lu ai.
Zika ana Myen mung htingbu Miwa, Htai de chyam
 |
| Zika ana kumla |
Jigrawng kawa nna byin ai Mak Hkalawng Chyang (Dengue Fever) kumla hte bung ai ‘Zika Virus’ ana zinli gaw, ya Myen mung a htingbu Miwa hte Htai mung ni hta chyam bra nga sai lam, Amerikan ana ahkya makawp maga dap (CDC) tang madun ai.
Wednesday, February 10, 2016
Amerikan Hkalup Ginjaw sara ni Waimaw Pat Jasan hpung hpe sa n-gun jaw
 |
| Par Jasan ni hpe ndai zawn ABC sara kaba langai kaw nna akyu hpyi shaman ya nga |
Amerikan Hkalup Hpung Ginjaw (ABC) sara ni daini Waimaw ginra pawng hpawm Pat Jasan hpyen hpung ni hpe Waimaw mare hta sa du n-gun jaw sai re.
Myen hpyen nbungli kaji hkrat kapaw, yawng si
Myen hpyendap a nbungli kaji langai dai hpawt hkying 9:40 daram hta Naypyitaw, Chyanhkin mare dingda e hkrat kapaw ai majaw jawn nang ai masha yawng 5 tup si hkrum sai.
Saturday, February 6, 2016
Asak shimlam tsang ra nna Kambaiti PJS hpung bai nhtang
 |
| Kani yi lu hkyen ai sha Kambaiti, Maw si Tung ginra na Pat Jasan hpung bai nhtang |
Taiwan mung Nnang Nawn kaba hkrum
 |
| Taiwan Ndum Kaba, Feb 6, 2016 |
Lamang mahkyen nkau n lawm ai hte Ramma ni Rawt Malan Nhtoi galaw
Myitkyina, Jinghpaw Mungdaw — Myitkyina ramma ni gaw lamang mahkyen nkau n galaw ai sha, 55 ning hpring Mung Shawa Rawt Malan Nhtoi masat lamang hpe Shatapru Manau Wang e mani galaw sai re.
Thursday, February 4, 2016
Ramma ni akyu hpyi hpawng hte Rawt Malan masat nhtoi galaw na
 |
| February praw 5, 2016, 55 ning hpring J.W Mungshawa Rawt Malan masat nhtoi lamang hpe ramma no Manau Wang e galaw na hkyen nga yang, Myitkyina |
Wednesday, February 3, 2016
Kambaiti pat jasan hpung ni, kani yi madu ni a wang da hkrum
 |
| Kambaiti de rawt na matu Waimaw e du nga ai Pat Jasan Hpawng |
Tuesday, February 2, 2016
WFP garum ntum yawm mat ai majaw, hpyen yen ni myit tsang
 |
| Daini Feb 2, 2016, waimaw, Mungna IDP hpyenyen dabang e amyu shayi ni hte seng nna hkamja lam hpaji jaw hpawng galaw nga yang. |
Mungkan Wunpawng Malu Masha Garum Ntum Hpung, WFP gaw Jinghpaw mungdaw hpyen yen garum gahtau shadang hpe Shaning Ningnan kaw nna shayawm hpang wa sai majaw IDP hpyen yen masha ni grai myit tsang nga ai lam chye lu ai.
Nam Ya kani dut shabra ai hta Myen pyitusit lawm
 |
| Hpakan Lungseng Maw e kani dut shabra nga ai Myen asuya pyada agyi hpe ginra pat jasan hpung ni rim da nga yang. |
Jinghpaw Mungdaw, Hpakan Ginwang Nam Ya pyitusit hpung gaw mare kata kani nanghpam dut shabra ai kaw shanglawm nna, maga mi de KIA hte n tsen ai ni hpe mung jahkrit shama rim jep nga ai lam chye lu ai.