 |
| Phnom Penh, Cambodia |
Hpawt ni February 14, Valentine’s Day hta ‘tinang hte tinang nta masha ni a sari jahkrat ai arawn alai’ n galaw na matu jawngma ni hpe Cambodia asuya tau sadi jaw dat sai re.
Valentine, Tsawra Chye Ni A Nhtoi hpe Sinpraw Dingda Asha Dan mungdan shagu na ramma ni lapran ‘ngang lam’ pyaw hpa nhtoi langai zawn lai wa sai shaning law law kaw nna galaw nga ai re.
Dai nhtoi shani n hkungran shi ai ramma ni shada da hkum shan ganawn mazum lam n galaw na matu Myen mung htingbu Htai hte Cambodia mungdan lahkawng e asuya ni ja ja sadi jaw tawn ai re.
Cambodia Hpaji Dap kaw nna asuya hte dinghkrai hpaji jawng sara ni hpe Valentine nhtoi hta jawngma ni ‘n se n sa hte hkum shan ganawn mazum lam n galaw hkra pat hkum na matu’ February praw 9, bat Lahkawng Ya shani alak mi matsun dat sai.
Grau grau mying kaba wa ai dai nhtoi gaw ramma ni hpe ladu lai pyaw hpa lam de dun woi nhtawm, laika shakut na myit hte, ramma a sari sha n ga dinghku a sari hpe mung, hkrat sum shangun ai lam Hpaji Dap tsun ai.
Bai nna ‘Valentine’s Day’ gaw Khmer amyusha ni a htunghking mung n re ai lam Cambodia asuya madi tsun ai re.
Maning kaw nna, Htai hte Cambodia hta asuya masing hte Valentine shani ramma ni matu laksak lamang ni hpe hpungkyi jawng ni hkan e woi galaw hpang nga sai re.
0 comments:
Post a Comment