Kambaiti pat jasan hpung ni, kani yi madu ni a wang da hkrum

Kambaiti de rawt na matu Waimaw e du nga ai Pat Jasan Hpawng

Jinghpaw Mungdaw asuya ahkang jaw ai kata, kani yi hkyen shamyit masing hte Kambaiti ginra du nga ai Mungshawa Pat Jasan hpung n-gun 200 daram gaw kani yi madu tsa lam a wang da hkrum nga ai re.

Kani yi law dik ai shara langai rai nga ai Maw Si Tung de Pat Jasan hpung ni mani du shang wa ai. Shanhte hpe nhtu lang da ai kani yi madu 400 jan sa wang nna ninghkap dingbai dingna jaw wa sai lam, Myitkyina Ginra Pat Jasan Komiti ningbaw sara Nhkum Tang Gun tsun ai re.

Waimaw ginwang Kambaiti ginra gaw, shawng de Zahkung Ting Ying woi awn ai NDA-K, ya Myen asuya Jarit Sin Dap (BGF) uphkang ai ginra re.

Maw Si Tung e du nga ai Pat Jasan hpung hta asuya pyada 20 daram hte hpyenla ni mung shimlam jaw shanglawm nga ai raitim, shanhte a shimlam a matu myit tsang nga ai hpe sara Tang Gun Jinghpaw Shiga Dap KNG de tsun wa ai re.

Posted in: