PJS n-gun sa jat ai ni bai hkap gap hkrum, langai hkala

BGF jarit sin hpuenla (pai) hte Myen hpyenla

 Dai hpawt hkap gap hkrum ai shara de n-gun sa jat lung wa ai mungshawa Pat Jasan hpung ni hpe Myen asuya Jarit Sin Dap, BGF ni matut lam hkap gap ai majaw marai langai sinat pala kan kaw hkra nna hkala hkrum ai lam, PJS ningbaw ni KNG Jinghpaw Shiga Dap de tsun ai.


 Kambaiti lam, Bum Tawng e hkring nga ai PJS hpung ni BGF dap jung ai Shingchyai lahta Wut Maw de lung wa ai shaloi, lam lapran bai hkap gap ai re lam chye lu ai.

Ya ten Wut Maw e PJS hpung ni hpe BGF hte pyitusit hpyen ni wang da ai hte shanhte a lusha jarik hte arung arai ni hpe mung BGF ni mya la ai lam, nat jahten ai lam ni galaw nga ai hpe PJS ningbaw ni tsun nga ai re.

Posted in: