Monday, May 23, 2016

Man Ping kahtawng hpe Myen asuya dap ni wan nat

Man Ping kahtawng hpe Myen asuya dap ni wan nat


May 22, daina maga de Mye asuya dap gaw Lahta Sam mung Hpawng Seng makau Man Ping kahtawng hpe wan nat ai lam galaw dat sai.


Munggu de na lung wa ai dai Myen hpyen hpung gaw Wunpawng Mungdan Shanglawt Hpyendap KIA dapba (6) npu Dapdung (38) hte mare makau hkying 3:30 daram kaw nna laja lana gap hkat wa ai hta shanhte maga sum machyi lam law na masa nga ai majaw mare wan nat ai rai na re nga, Dapba (6) lahta tsang salang langai Jinghpaw Shiga Dap KNG de tsun ai.

Shana de hkying 5:30 daram hta Man Ping kahtawng wan nat hkrum ai rai nna shana de hkying 9 du hkra wan naw hkru ai lam shi matut tsun ai.

Jinghpaw ni san rai nga ai Man Ping kahtawng hta dum nta htinggaw 30 jan nga ai re.

Ni nawn ai Miwa ga jarit de kahtawng masha ni hprawng yen ai raitim jarit mayan Miwa hpyendap ni hkap sin nga ai majaw jarit mayan byin mai ai shara hta gan yen nga ai lam KIA dap ba (6) salang wa matut tsun ai re.

Slg.jan Aung San Suu Kyi gaw jaw prat 21 Panglong zuphpawng hpe du na July shata hta galaw na shakut nga ten, Myen hpyendap maga mung masa jahta na la nga ai KIO/KIA ntsa majaw baw gasat ai lam hpe lai wa sai April shata kaw nna laja lana galaw wa ai re.




0 comments:

Post a Comment