Sept. 14, bat Masum Ya shani Manmaw giwang Manje (Mansi) mare kaw hta Myen hpyendap hte KIA dap lapran hkying hkum mi daram gasat poi byin ai hta, Myen hpyenla 2 hkrat sum ai lam, chye lu ai.
Hkrat sum ai hpyenla 2 gaw Manmaw hpyendap Hk.L.Y masat 47 na rai nna, dai dap na hpyen n-gun 100 jan gaw Manje de lung wa yang, mare makau Ywa Tit Kung kaw KIA Dapdung 1 hpyen hpung hte shani gaang hpang hkying 1 hte 2 lapran gap hkat wa ai lam, buga masha ni tsun ai.
KIA maga hkala nba n nga ai lam, Dung 1 hpyendu ni tsun ai.
Lani mi hta sha, Myitkyina-Manmaw lam Namsan Yang makau Hka La Kadawng kaw mung KIA Dung 18 hpyen hpung hte Myen dap Numlang-daju Hk.M.Y masat 438 lapran gap hkat wa sai re.
Ndai gap hkat ai hta Myen maga hkala nba machyi hkrum masha nga tim, jahpan hkrak n chye lu ai.
0 comments:
Post a Comment