Myen mungdan shinggan e daju ai Jinghpaw Shiga Dap (kachinnews.com) gaw kadai re n chye ai, cyber-attack gasat hkrum ai majaw, Sept. 14, dai ni bat Masum Ya shani kaw nna website n mai hpaw hti mat sai re.
Shiga mahkawng ginlen daju (server) kaw na tsun wa ai gaw, Shiga website hpe hpaw yu n mai mat hkra Denial-of-Service (DoS) attack, ladat hte gasat pat shingdang hkrum ai re nga ai.
The Kachin News Group gaw Myen mung kata madung Jinghpaw hte seng ai shiga ni hpe websites hte Inglik, Myen hte Jinghpaw ga hku ndau shabra nga ai re.
Shawng e Myen mung kata KNG website hpe mai hpaw yu tim 2007 Bukda Hpungkyi Rawt malan a hpang, mungdan kata n mai hpaw hkra pat hkum tawn ai re.
Bai, 2010 ning hta kaga shinggan daju Myen shiga dap masum rai nga ai, Irrawaddy (www.irrawaddy.org), Mizzima (www.mizzima.com) hte Democratic Voice of Burma (www.burmese.dvb.no) ni a website ni hpe mung Distributed Denial of Service (DDoS) attack, ladat hte gasat pat hkum wa sai rai nga ai.
0 comments:
Post a Comment