Wednesday, September 7, 2011

Loimawk Yang e gap hkat ai hta, Myen hpyenla 2 si, 3 hkala

Lajayang Myen hpyendap kawng kaw shara la da ai KIA hpyenla langai.
September 6, Bat Lahkawng Ya shani hkying 1 p.m. grupyin hta Jinghpaw mungdaw Laiza-Manmaw lam, Loimawk Yang kaw Myen asuya dap hte KIA lapran gap kapaw hkat ai hta, Myen hpyenla 2 si, 3 hkala ai lam ginra buga masha ni tsun ai.

KIA maga hkala nba n nga ai lam, ginjaw Laika na KIA hpyendu ni tsun ai.

Gap hkat lam byin ai gaw, Myen dap, Myitkyina, Pa.La.Na hpyendap, Tau Dapdung Up, Du Up (Major) Win Naing woi awn ai Hk.L.Y 29 hte KIA ginjaw makawp Dapba 5 npu na hpyenla ni lapran re lam, Laiza na KIA hpyen du ni tsun ai.

Uhpung lahkawng hpyen hpung ni Loimawk Yang kaw gap hkat nga ai shaloi, Lajayang laknak kaba dap kaw nkau du nga ai Hk.L.Y 29 dap gaw, shawnglam de laknak kaba (mortar 81 mm) gap garum ai raitim, Loimawk yang de n du ai sha Dung Hkung mare kaw amyawk si lahkawng hkrat ai lam, buga masha ni tsun ai.

Amyawk si hkrat bun ai majaw buga masha ni hkala nba nga n nga garai n chye lu shi ai.

0 comments:

Post a Comment