Wunpawng Mungdan Shanglawt Hpung (KIA) gaw Myen asuya uphkang ginra de “bawm kapaw shang gap ai lam ni” gan jahkring sai hpe tinang shawnglam dap ni de matsun tawn sai re..
Ndai matsun hpe Myen-KIO datkasa ni Lajayang e June 30 ya shani “shawnglam simsa lam mahkrun” hte seng nna hkrum shaga ngut ai hpang shani, July praw 1 ya hta shale dat ai re lam, KIA shawnglam shiga lawk tsun ai.
 |
| KIA N/T Dap Awn Daju Du Up Daju Gun Maw woi awn ai hpung hte Myen, Jinghpaw Mungdaw asuya, Ga Jarit hte Shimlam Salang Lt-Col Tan Awng (ga-ang) woi awn ai hpung, Lajayang e June 30 ya shani hkrum shaga hkat ai lam. |
Bai dai matsun hta, “mahkrai bawm kapaw daw ai lam ni gan jahkring nna, mawdaw lam hku lai wa ai Myen hpyen ni hpe hkap gasat ai lam n galaw ai sha, tinang ginra de shang wa ai ni hpe sha gap lu na ahkang jaw da ai lam” matut chye lu ai.
Raitim, July praw 3, Laban ya shani hta uhpung lahkawng lapran sinat kaji kaba hte gasat hkat lam ni Manmaw ginwang N’mawk ninghtawn, KIA Dapdung 15 ginra Sang Gang hte Bum Sen post ni hta byin sai re.
June praw 9 ya hta, Myen gaw KIA hpe shawng n'nan Sang Gang e majan baw dat nna, Dung 15 a Sang Gang Post hte Bum Sen post hpe mung madu tawn sai gaw ya ten du hkra re.
0 comments:
Post a Comment