Jinghpaw Wunpawng Hkalup Hpung Ginjaw, KBC gaw KIO Laiza Hpyen Hprawng Dabang ni de du nga ai tsinyam ni matu alu lap sen 10 garum jaw ai re.
Ndai alu hpe Laiza e hpaw tawn ai Hpyen Yen Lakawn Lanawn Komiti de July praw 3, lai wa sai bat kru ya shani ap jaw ai re.
 |
| KIO Laiza hpyen yen dabang de Myitkyina kaw na gan gawan du ai KBC ningbaw ni. |
Ya na zawn Myitkyina KBC rung ginjaw na sara ni Laiza de jahpawt daw sa du ai ten tsinyam ni hpe sa du gawan nna akyu hpyi ya sai re.
Ya ten madung Laiza hpyen hprawng dabang 6, kaga Miwa ga jarit makau hte Sinbu, Pang Hkawn ginra ni yawng pawng hta nga nga ai hpyen yen masha yawng 15,000 jan re lam chye lu ai.
Shanhte hpe KIO kaw nna malu masha hte nga shara lajang jaw nna London-daju asuya n re ai Health Unlimited (HU) uhpung gaw tsi mawan hte sut ni garan jaw nga ai re.
KIO hte HU hku nna aten galu hta ndai hpyen yen masha ni (Inglik hku Internally Displaced Persons) hpe garum ntum lu na yak hkak na re lam chye lu ai.
0 comments:
Post a Comment