 |
| 16 ning hpring KNO masat n htoi, changmai, Thailand. |
Mung shawa asuya ningnan lung ai ten, Myen hpyendap gaw Wunpawng Mungdan Shanglawt Hpyendap KIA hpe n-gun hte htu gasat ai majaw dinghku majan byin wa mai ai nga, maigan daju Jinghpaw Wunpawng Amyusha Hpung KNO a April 24 ndau e sadi jaw dat sai.
KNO hte Wunpawng Mungdan Shanglawt Hpung KIO gaw Memorandum of Understanding (MoU) ngu ai J.W sha ni a mung masa lawt lam hta hpyen masa, mung masa arau jawm galaw sa wa na matu 2011 January 22 hta lata masat htu da ai re.
Myen hpyendap kaw nna Jinghpaw mungdaw de matut majan hpaw nga dingyang rai yang, KNO gaw Jinghpaw Wunpawng amyusha ni hte lata gindun nna Jinghpaw Wunpawng ginra ni hpe makawp maga na masing kaba hpe ninggun dat galaw sa mat na re lam sadi jaw da ai.
Jinghpaw ginra hta sha n ga, Myen mung ting na amyu bawsang laknang lang rawt malan hpung ni yawng a ginra shagu hta asuya ningnan lakhtak majan matut baw dingyang rai yang, Myen mung kata hta mungdan dinghku majan kaba byin wa chye ai lam, ndau hta tsun ai re.
Hka jaw poi n du shi ten hte ngut ai hpang asuya dap gaw KIA ginjaw Laiza makau shawnglam dap rai nga ai Dapdung 18 npu Sut Shang Post, Nbu Kawng Post, Pau Se post hte laga langai, yawng KIA shawnglam post 4 hpe gasat zing la kau sai re.
Bai nna lai wa sai bat laman sha ginjaw Laiza makau mayan hkan hte lahta Sam mung KIA dapba 6 ginra hkan asuya dap hte matut majan byin nga ai re.
Jinghpaw Wunpawng Amyusha Hpung KNO hpe maigan du Jinghpaw Wunpawng amyusha ni kaw nna 1999 January 9 hta hpaw ninghtan da sai re.
0 comments:
Post a Comment