Lahta Sam mung Hpawng Seng mare makau e Myen Dapnu Masat 99 hte Wunpawng Mungdan Shanglawt Hpyendap KIA Dapba 6 lapran bai gap hkat wa sai re.
April 26, mana de hkying 4 daram hta Myen Dapnu 99 hpyen hpung ni Hpawng Seng kaw nna Munggu de pru wa ai shaloi, KIA Dung 38 hte aten kadun hkrum katut gap hkat ai re lam, KIA Dapba 6 salang langai Jinghpaw Shiga Dap KNG de tsun shateng ai.
Gap hkat wa ai hpang shada yu maja hkat ai lam gaw daini ya ten du hkra dingyang naw rai nga ai lam, chye lu ai.
April 21 ya jahpawt daw hta gaw, wuhpung lahkawng dap lapran Hpawng Seng makau Nawng Jang hte Man Yang lam braw e aten hkying hkum mi dang gasat poi byin wa sai re.
Lai wa sai mali ya hta mung Myen hpyendap hte KIA dap lapran gasat poi ni gaw Jinghpaw mungdaw, Da Law snr Thalawgyi makau hte Wanleng lam Mungnyang snr Mohnyin ginra ni hta byin wa sai re. Bai nna Hugawng Pa, Danai KIA Dung 14 ginra Nambyu de mung hpyen masa shaja hkat nga ai lam, Jinghpaw Shiga Dap KNG sagawn chye lu ai.
Mung shawa asuya lung wa ai hte, ndai April praw kaw nna amyu lakung rawt malan hpung ni a ginra ni de majan baw gasat wa ai majaw mungdan majan kaba byin wa chye ai lam, Duwa Bawmwang La Raw woi awn ai Jinghpaw Wunpawng Amyusha Hpung KNO gaw April 24 ndau hte sadi jaw sai re.
0 comments:
Post a Comment