 |
| KIA hpyen la |
Myen asuya hpyen hpung ni gaw, Laiza makau KIA shawnglam dap langai hpe dai hpawt hkying 7 daram kaw nna wa htim gap ai majaw, gasat poi byin nga ai re.
Laiza a sinna-dingdung de Myitkyina-Manmaw lam Nam San Yang hte Ban Dawng Yang lapran KIA Dapdung 18 a shawnglam post kaji hpe dap mying n chye ai Myen hpyen ni wa gap sai. Dai hpang grupyin na laknak kaba ni hte mung gap garum ai gaw aten hkying hkum mi daram re lam chye lu ai.
Ya ten du hkra mung majan byin ai masa naw re lam chye lu ai.
Ndai lam hte seng nna Laiza ginjaw na KIA lit nga Du Kaba Nhpang Naw Bu hpe san yu ai shaloi, “Ban Dawng grupyin kaw e anhte na hpyendap nga ai hpe..shanhte gaw hpa baw ngu na i…lamu ga…dai mawdaw lawu maga anhte nga ai hpe jasan kau mayu ai masa pru ai”, nga ai.
Myen mung kata Slg.jan Awng San Su Chyi woi awn ai NLD mungshawa asuya lung wa ai nhtoi bat mi hta, ndai zawn Myen asuya dap gaw Jinghpaw mungdaw kata KIA dap hpe shang n’nan sa htim gap ai lam re.
0 comments:
Post a Comment