KIO hte majan tsinyam a matu akyu hpyi ya ai lamang Awng Lawt e galaw

KIO/A hte majan tsinyam ni a matu alak mi Karai Kasang kaw akyu hpyi ya ai lamang hpe Hugawng Pa, Awng Lawt mare hta June 28, bat lahkawng ya jahpawt daw hta galaw sai re.

Awng Lawt mare gaw KIO/A a Dap Ba 2 daju (2nd Brigade) snr Sinna Ginwang Ginjaw jung ai shara mung rai nna, lamang hpe mare na hkristan nawku hpung n lata jawm woi awn galaw ai re lam, lamang shanglawm ai ni tsun ai.

Huganwg Pa KIO/A sinna ginwang ginjaw Awng Lawt mare.

Read More

Australia Myen, Miwa kasa rung shawng kaw J.W sha ni ninghkap n-gun madun

Australia mungdan kaw shanu nga ai, Jinghpaw Wunpawng myusha ni kawn, Myen hte Miwa mungdan asuya Sumtsan Kasa Rung shawng kaw, majan ninghkap n-gun madun ai lamang June 24 ya shani galaw sai re.

Australia mungdan, Melbourne, Sydney hte Brisbane mare kaba ni kaw du nga ai, Jinghpaw Wunpawng myusha 60 daram gaw, mungdan a mare daju Canberra kaw nga ai, Myen hte Miwa mungdan asuya Hkringmang Rung shawng kaw, ninghkap n-gun madun ai lam galaw wa ai rai nga ai.

Australia mungdan kaw du nga ai J.W sha ni ndai zawn ninghkap n-gun madun nga yang

Read More

KIO/A hpe garum ai ni sadi jaw lam n nga sat hkrum na

Wunpawng Mungdan Shawnglawt Hpung/Hpyendap (KO/A) hte myit rum hpung ni hpe madi shadaw ai mung masha ni yawng kadai raitim, ‘sadi jaw ai lam n nga si ari jaw na lam’ hpe Lahta Sam mung e Myen hpyendu langai tsun wa sai re.

Read More

ATEN DU SAI

Masa amyu myu hta hkan nna anhte Wunpawng Myusha ni gaw nat jaw jau nhtawm tinang a dai daw buga hkan na mung-up du ni a npu kaw nga pra wa saga ai. Karai Kasang a lam madun dat ai marang e American Sasana ni anhte a ginra de du nna machye machyang amyu myu shatsam ya masai.

Wunpawng Myusha ni rawt jat wa nga ai hpe hpyen wa a matu myit tsang hpa rai wa ai majaw makam masham lam, amyu htunghking lam, mungmasa lam, hpyen masa lam zawn re ai ni hpe jahten sharun kau ya wa sai. Shing re ai masa hta hkan nna Wunpawng Myusha ni gaw tinang a myusha ni hpe makawp maga lu na matu hpyen hpung hpe shazeng wa ai hta n-ga, hpu nau nkau gaw mungkan kaw chyam bra wa nna tam lu tam sha wa ai hkrun lam hta hpaji ningmu ni mung dam lada wa masai.

Read More

KIO ginjaw Laiza gasat zing na Myen gaw Miwa hpe ahkang hpyi

KIO/KIA ginjaw Laiza hpe gasat zing la na ahkang hpyi ai hku nna, Myen lahta tsang hpyendu ni gaw, Miwa hpyendu ni hte Yunnan mungdaw Mangshi e June 23, bat mali ya shana mayun sa hkrum sai lam, Mangshi shiga lawk tsun ai.

Zuphpawng de Yunnan mungdaw lahta tsang du salang ni hte, Myen de na Lashu daju Sinpraw Dingda Daw Daju (Ya-Ma-Hka) hte Naypyidaw na lahta tsang hpyendu ni shanglawm nna, shawng de KDA, ya, Kawnghka daju n-gawn hpyen du salang ni mung sa du lawm ai lam, chye lu ai.

KIO Ginjaw Laiza Muklum. Sumla: Kachin News Group

Read More

Myen a KIO/A hpe majan baw ai ntsa Malaysia e ninghkap

Myen asuya nnan kawn, Wunpawng Mungdan Shanglawt Hpyendap (KIA) hpe gasat ai a ntsa ninghkap n-gun madun ai lam, Malaysia mungdan mare kaba Kuala Lumpur kaw nga ai, Myen asuya hkringmang rung makau kaw, Jinghpaw ni June 24 ya shani hta galaw wa sai re.

Ninghkap n-gun madun ai a madung yaw shada lam gaw, Myen hpyendap kawn KIO/A hpe June 9 ya shani kawn majan hpaw gasat wa ai hpe, jahkring kau na matu hte Jinghpaw Mungdaw hta hpyendap n-gun jat taw nga ai lam ni hpe dawm kau na matu re lam, ninghkap n-gun madun ai lam hta shang lawm wa sai, myusha langai kawn tsun ai.

Myen asuya a KIO/A hpe majan baw ai lam ntsa Malaysia Myen Sumtsan Kasa rung makau kaw ninghkap n-gun madun nga yang

Read More

KIA Dung 12 hte gasat poi hta, Myen 3 hkrat

June 23, mani bat mali ya shani KIA Dung 12 hte byin ai Sin Hkan manau gasat poi kadun hta, Myen hpyen marai 3 hkrat sum ai lam, shawnglam ginra na mung masha ni tsun ai.

KIA maga hkala nba kaga mi n nga ai lam, Dung 12 na hpyendu ni hpe lakap let chye lu ai.

Read More

Amyu Sha Ni Yawng Hpang De

(Dai ni hkyak hkyak byin nga ai gasat gala majan ten Chyurum Wunpawng Sha ni hpang de, Rudi Sai a awng ninglaw ga....)

1. Gasat gala lam hpe n ra sharawng tim, hpang jahtum koi yen nmai ai mabyin masa a majaw, gasat gala lam hta ap nawng nga ai Wunpawng Mungdan Shanglawt hpyen ma, hpyen gyi, hpyen du, du kaba, Du up, Du up Daju hte Du Up Daju Jum ni hte Wunpawng Mungdan Shanglawt Asuya magam gun kaji kaba ni hpe Tengman rap ra lam (justice) hte Shinggyim manu (human value) hpe tsawra ai Yehowa Karai Kasang tut nawng bau sin ya u ga akyu hpyi nga n’ngai law. Dai hte maren, anhte hpe “Padang Hkrunlam Majan Masing” hte rau, awng dang lam jaw ya mi ga, mung anhte amyu hpe amyu shatai la ai Yehowa Karai Kasang kaw akyu hpyi nga n’ngai.

Read More

J.W hpyen hprawng 20,000 jan Miwa ga jarit de du

Myen hte Shanglawt lapran byin nga ai hpyen masa manghkang a majaw, J.W hpyen hprawng masha 20,000 jan ya ten Miwa ga jarit ni de du nga sai hte, matut hprawng shang nga dingyang re lam chye lu ai.

Ya ten KIO ginjaw Laiza e hpaw tawn ai hpyen hprawng dabang 6 hta du nga ai masha gaw, June 21 ya jahpan hte maren, marai 13,000 jan re. Dabang ni hpe Myu Lawt Wunli gawknu, Manau Wang, Masat 3 gat lawk, Hpung Lung Yang hte Nawng E Hku ni kaw hpaw tawn ai rai nga ai.

KIO kawn, tsin-yam langai hpe lani mi n-gu kawk lahkawng garan jaw nga ai hte, hkam ja lam a matu, buga kata na asuya n re ai NGO hpung nkau lit la garum jaw nga ai lam chye lu ai.

Myen a roi rip lam hte porter woi na tsang ai majaw Laiza hpyen hprawng dabang langai kaw du nga ai J.W hpyen hprawng ni.

Read More

Mali Hkrang Walawng de Myen-Shanglawt gasat poi byin

Shawng n’nan Jinghpaw mungdaw a dingdung maga Mali Hkrang Walawng e Myen-Shanglawt gasat poi gaw, June 22, dai ni bat masum ya shana de hkying 4:30 ram kaw nna byin hpang wa sai re.

Gasat poi gaw KIA Dap Ba 1 npu Dapdung 7 hpyenla ni hte, Putau Myen hpyen ni lapran byin nga ai rai nna, shara gaw Hkrang Hka hku e re lam, Dap Ba 1 shiga lawk tsun ai.

Mali Hkrang Walawng shara mi kaw dapdung da ai KIA shawnglam post langai. Sumla: Kachin News Group

Read More

Myitkyina-Namti wanleng lam shimlam, mungshawa ni hpe lit jaw

Hpyen hpyi galai Myen asuya gaw Myitkyina-Namti wanleng lam a shimlam hpe buga masha ni hpe atik anang lit jaw da ai lam chye lu ai.

Read More

Nam Sa Pa mahkrai hta Myen shada gap hkat lam byin

Lahta Sam mung KIA Dap Ba 4 ginra, Nam Sa Pa mahkrai hta Myen hpyen shada shut nna gap hkap ai lam, June 20, mani bat langai ya shana 10:30 ram hta byin wa sai re.

Ba 4 shiga lawk tsun ai hta, mahkrai kaw masha sa wa ai hpe mu nna shachyut ai kaw shadat masha shut nna, mahkrai sin hpyenla ni hte Nam Sa hpungkyi jawng kaw makoi tawn ai hpyenla ni lapran, gap hkat wa ai re nga ai.

Nam Sa hka mahkrai myen gate

Read More

Sinbo gasat poi hta Myen hpyen 17 hkrat sum

Myen hte Shanglawt byin ai Mohnyin, KIO Mungnyang ginwang, Sinbo gasat poi hta, Myen de na marai 17 hkrat sum ai lam chye lu ai.

Kalang bai gap hkat jahkring gabaw hte, Myen ni shagun dat ai Wunpawng Amyusha Rapdaw (WMR) salang 4, Myitkyina kawn Shanglawt ginjaw Laiza kaw du nga ai ten, ndai Sinbo gasat poi byin wa ai lam re.

Hkrat sum ai Myen hpyen ni hta, jahpawt daw hta marai 5 rai nna, shani ga-ang hpang pyen 1:30 p.m. kaw na byin ai gasat poi hta marai 12 kahtap hkrat sum ai re lam, lit nga KIA hpyendu ni tsun ai.

Read More

Namtu hta Myen hpyen 6 hpe KIA rim

Dai ni hkying 2 daram hta, Lahta Sam mung, Namtu de lai ai Myen hpyenla 6 hpe laknak hte hpawn, KIA Dung 8 ni lu rim kau dat sai lam, KIA hpyendu ni shateng tsun ai.

Read More

Miwa ga jarit de tsinyam masha 10,000 mi jan du

Hpyen majan koi yen ai tsinyam masha J.W myusha 10,000 mi jan Miwa ga jarit ni de du shajang nga sai hte, matut nna mung du nga dingyang re lam chye lu ai.

Hpyen hprawng ni gaw June 9 ya KIA hte Myen hpyen ni lapran majan byin nna dinghku majan de gale wa ai majaw, Miwa ga jarit makau de hprawng shingbyi nga ai lam re.

Laiza de du nga ai Myen ginra na tsin-yam masha ni hpe KIO kaw nna malu masha hte tsi mawan ni garum jaw nga ai.

Read More