KIO/A hte majan tsinyam ni a matu alak mi Karai Kasang kaw akyu hpyi ya ai lamang hpe Hugawng Pa, Awng Lawt mare hta June 28, bat lahkawng ya jahpawt daw hta galaw sai re.
Awng Lawt mare gaw KIO/A a Dap Ba 2 daju (2nd Brigade) snr Sinna Ginwang Ginjaw jung ai shara mung rai nna, lamang hpe mare na hkristan nawku hpung n lata jawm woi awn galaw ai re lam, lamang shanglawm ai ni tsun ai.
 |
| Huganwg Pa KIO/A sinna ginwang ginjaw Awng Lawt mare. |
Hpyendu dingsa Gum San Magam U Thein Sein woi awn ai Myen ginjaw asuya gaw June praw 9 hta KIA hpe majan baw hpang dat sai re. Dai hpang uhpung lahkawng lapran gasat gala lam ni Jinghpaw mungdaw shara shagu hte lahta Sam mung ni hta byin pru wa ai rai nga ai.
Majan a majaw ya ten KIO ginjaw Laiza hte Miwa ga jarit mayan du nga ai hpyen hprawng masha ni, tara shang jahpan hte maren 10,000 mi jan du sai re.
Raitim, KIA Dapdung 5 hte Hugawng Pa majan ginra na mung shawa ni gaw shim ai Miwa ga jarit de mung hprawng le n mai rai, tinang ginra kaw gayin hprawng kin nga ai lam KNG sagawn chye lu ai.
0 comments:
Post a Comment