Myitkyina-Namti wanleng lam shimlam, mungshawa ni hpe lit jaw

Hpyen hpyi galai Myen asuya gaw Myitkyina-Namti wanleng lam a shimlam hpe buga masha ni hpe atik anang lit jaw da ai lam chye lu ai.

Dai hta, Myitkyina na kahtawng langai hta masha 10 hpra Myitkyina hte Namti lapran wanleng lam a shimlam hpe gahti galai shimlam la ya ra ai re lam chye lu ai.

“Anhte kahtawng gaw, anhte a shara hte Jan Mai Kawng lapran na wanleng lam kaw ang ai re,” nga nna, Myitkyina kaw na buga masha langai tsun ai.

Wanleng lam gaw, Myitkyina wanleng daru kaw na, mare ka-ang rai nga ai, Min Yat, Myu Tit, Eya, Yan Gyi Awng, Me Myit, Du Kahtawng, Jan Mai Kawng hte San Pya kahtawng ni hpe lai di nna, Namti, Mugawng mare ni de man yawng nna, lai mat ai rai nga ai.

Wanleng lam a shimlam hpe n kam la ai majaw, masha shap ra ai lam chye lu ai. Masha shap na matu ra ladawn ai ja gumhpraw hpe gaw, seng ang ai mare salang ni kawn nta shagu hkan lahkawn hta la ai re lam chye lu ai.

Posted in: SHIGA