 |
| Hpakan ga, Ginsi sa lam KIA dap 6 gate kaw galai dung ai Myen asuya dap ni. |
Wunpawng Mungdan Shanglawt Hpung (KIO) hte Myen asuya dat kasa ni Myitkyina hkrum shaga hpawng a hpang hpyen masa shamu shamawt lam a marang myit hkrum da ai hte maren KIA maga na dap nkau htingnut da ai hpe asuya maga kawn zing da ai lam chye lu ai.
Lai wa sai October 15 ya laman shamu shamawt ai lam a majaw Mabing myu-ne Je U makau Nam Hawm mare baw hta asuya Dap Nu Masat (99) hte KIA Dap Dung (12) lapran majan ni byin ai hpang dap shara (3) hpe htingnut kau ra ai lam KIA Dap Ba (3) kawn chye lu ai.
Dai dabang kawn KIA Dap Ba (3) npu Dung (12) Shwigu ginwang kawn Tantada, Je U, Nam Hkan shara ni re lam Ba (3) salang ni tsun ai.
“Majan ngut ai hpang ndai shara yawng kaw anhte bai sa nga ai ya shanhte maga na hpyen n-gun ni hte bai lung wa ai nga yang anhte htingnut ra mat ai. Majan bai n byin hkra yen kau ya ai” nga dai salang wa KNG Jinghpaw Shiga Dap de tsun ai.
Dai hpang KIA maga kawn October (18) ya shani hta lahkawng maga myit hkrum da ai hte maren lam kalang bai hkrang wa lu hkra Nam Hkam myu, Chyau Hpya hta nga ai KIA Dung (27) hte Jaw Hkawng na Dung (1) shawnglam dap (2) hpe lam kawn Mita (1,000) jan gang ai de htingnut da ai lam chye lu ai.
Dai zawn KIO maga tinang a dap htingnut da ai shara ni hpe mung Myen asuya dap ni shang zing madu la kau ai nga tsun ai.
Sam mung N’mau Hka sinpraw maga Mabing myu-ne Dung (12) ginra gaw hpaga htinglet shara rai nna dai shara ni gaw moi daw asuya dap ni shamu shamawt wa nna hkawm sa hkawm wa mungshawa ni hpe gumhpraw hta sha ai shara mung re lam chye lu ai.
Dai bawngban hpawng ngut ai hpang kalang bai shuk wa ai lam hte dap htingnut kau ai lam hte seng nna Myitkyina KIO Machyoi Hpung Rapdaw de san yu yang “dap shara ni hpe hkringmi gan yen da ai kun? snr asuya dap ni zing madu la ai lam kun? rai n lu shagrin ai lam” Sr. Dumsa Dau Hka tsun ai.
Dai hte maren dai lam hpe asuya maga kawn htim gasat ai lam nga n nga hpe Myen simsa lam jahta hpung (MPC) kawn Slg. La Mawng Shwi hpe san shateng matut mahkai yu yang n htang shana wa ai lam n nga sha bai matut mahkai wa na nga sha htai tsun wa ai.
Gara hku mi raitim lahkawng maga bawngban hpawng rai n galaw ai ten hte bawngban ngut ai hpang hta asuya dap maga kawn Jinghpaw mungdaw de hpyen n-gun jat bang shamu shamawt ai lam galaw nga ai hpe myi chyaw mu ai sakse ni tsun ai.
May shata 28-30 ya bawngban hpawng hta manghkang a majaw atsawm n hkrang mat ai mungshawa ni lang ai lam hte ahkyak ai lam ni, dingyang hkawm sa lu hkra lahkawng maga lawan ladan hpaw sa mat na myit hkrum da ma ai.
www.kachinnews.com
www.burmese.kachinnews.com
www.kahcin.kachinnews.com
www.kachin-news.blogspot.com
http://www.facebook.com/Kachin-News-Group
0 comments:
Post a Comment