Karen madung laknak hpai hpung 4 chyawm mat

KNLA hpyenla ni hpe Karen-Thai jarit hta mu lu nga yang

Karen rawt malan hpung 4 chyawm nna Kaw-tu-le Hpyen Dap (KAF) hpaw shabawn ai lam Oct-13-2014, bat Langai Ya shani ndau shale ai lam hpe,  KNU Karen Amyu Sha Uhpung Uhpawng Ginjaw Komiti a jasat jasa n re lam KNU ginjaw komiti malawm Badu Man Nying Mawng tsun ai.

Dai lam hte seng nna KNU ginjaw komiti zuphpawg e bawngban jahkrup mat na re lam KNU ginjaw komiti malawm Badu Man Nying Mawng kawn tsun ai.

“Anhte pawng mat ai uhpung 4 kata anhte KNU na ningbaw nkau shanglawm taw ai nga yang anhte kade nna yang, ya du na October jahtum na bat hta KNU a ginjaw komiti zuphpawng galaw na rai nga ai, anhte a myit rum manang ni hkai re, magam bungli jawm galaw ai ni re. Anhte man hkrum hkrumra hpawng hta anhte hkrum hkrum ra ra hte sim sim sa sa hkrum shaga nna ningmu n bung ai dawchyen ni hpe jahkrup mat na rai na re. Karen rawt malan a htaphtuk ai shara mi hta anhte galaw sa mat na re”

Karen amyu sha laknak hpai hpung ni rai nga ai KNLA, KNKO, DKBA, KNU/KNLA-PC uhpung ni hte Kaw-tule hpyen dap hpaw shabawn lam hpe mani ndau shale ai re. Dai ndau shale ai hta Kaw-tu-le hpyen dap hku nna hpung shang uhpung langai ngai hpe gasat wa yang jawm hparan na re lam mung lawm malu ai.

Dai hpang Kaw-tu-le Hpyen Dap (KAF) gaw Dimokaresi lam, amyu sha rapra lam hte madu uhkang ahkang aya lu ai Federal Munghpawm ladat paw pru wa na lam hpe galaw sa wa na re nga ndau laika hta mu lu ai.

KNU ginjaw komiti malawm Badu Man Nying Mawng a jasat jasa hpe RFA Shihtawn Ma. Wema Htun matut mahkai san shaga da ai.

KNLA, KNDO, DKBA, KNU/KNLA-PC mying ni hte Kaw-tu-le Hpyen Dap hpaw shabawn ai lam ndau ai lam hte seng nna RFA Shihtawn Ko. Mu Chyaw a nsen shiga hpe mung madat mai ai.

(Matsing: RFA Myen Shiga Dap a Oct-14-2014 shiga hpe gale ai)

Posted in: SHIGA