Thursday, March 3, 2016

Asuya dap kaw nna KIA Dapba (6) hpe Moe Pya Sitsin Ye “မုိးျပာစစ္ဆင္ေရး’ hpang na hkyen nga

Majan hpang hkyen nga ai myen hpyen

Myen asuya kaw nna hpyen n-gun kaba hte lahta Sammung e nga ai Wunpawng Mungdan Shanglawt Hpyendap dapba (6) hpe Moe Pya Sitsin Ye ‘မုိးျပာစစ္ဆင္ေရး’ hpang na hkyen nga ai lam dapba (6) salang langai tsun ai.

Ya ten asuya dapnu 66 hte 99 hpyenla 2,000 jan gaw KIA dapba (6) Munggu ginra hta hpyen n-gun shaja nga ai lam KIA dapba (6) Salang langai Jinghpaw Shiga Dap KNG de tsun ai.

February 29 Myen asuya simsa lam bawngban komiti (UPWC) kaw nna KIA dapba (6) hpaw jat ai hpe ja ja ninghkap ai lam ndau dat ai shani kaw na dai ginra de Myen hpyen n-gun kaba hte shang wa nga ai lam KIA dapba (6) salang ni tsun ai.

Lai wa sai shaning, mungdan ting gap hkat jahkring lekmat (NCA) htu ngut ai hpang Munggu ginra de Sam mung dingda jung ai Sam RCSS/SSA hpyen hpung ni hte asuya dap ni gaw hpyen masa hta rau shamu shamawt nga ai lam ginra masha ni tsun ai.

0 comments:

Post a Comment