Jigrawng kawa ai kaw nna byin ai Zika Ana ninghkap bungli ni hta jai lang na matu Google’s Philanthropic Arm kaw nna UNICEF hpe Amerikan dollar wan mi garum jaw na lam Google Company kaw nna mani March 02 hta ndau shana dat ai.
Zika ana gaw zigrawng kawa ai kaw nna byin ai rai nna, madung ma hkum re ai kanu num ni kaw kap yang, shangai wa ai ma gaw bawnu n hkum ai shangai wa ai rai nga ai.
Ya Google a garum gumhpraw hpe madung ana hte seng nna hpaji jaw ai lam, jigrawng ninghkap ai lam, makawp maga tsi gin shalat ai lam ni hte ana hpe asuya ni hte pawng nna makawp maga bungli galaw sa wa na lamang ni hta jai lang na re hpe tsun da ai.
1947 ning grup yin hta Afrika Dan kaw nna hpang wa ai ndai Zika ana gaw ya yang Dingda Amerika Dan kaw laja lana kap bra nga sai rai nna Sinpraw Dan de mung lai wa sai shata hkan nna chyam bra hpang wa sai re.
Ndai ana n kap hkra, makawp maga na tsi shamai na tsi ya ten du hkra n nga shi ai raitim, du na shata 18 (laning mi shata 6 laman) hta gaw makawp maga tsi vaccine pru sana re lam, WHO, Mungkan Wunpawng Hkamja Dap hku nna February 12, 2016 hta ndau da sai re.
0 comments:
Post a Comment