Munggu kaw Myen hpyenla 7 si, 2 hkala

September 18, Laban Ya shani shani gaang hpang hkying 1 jan hta, Lahta Sam mung Munggu makau kaw Myen asuya dap hte KIA lapran byin ai gasat gala hta Myen hpyenla 7 hkrat, 2 hkala ai lam, KIA ni tsun ai.

Ndai gasat gala lam gaw Loikang-daju KIA Dapba 4 npu laksan Munggu, snr Mungkoe KIA Dap hte Mungji (Mongsi)-laju Myen dap Hk.L.Y masat 290 lapran, Mandat hte Panghuk lam lapran byin ai re lam, Munggu KIA Dap lit nga salang ni tsun ai. 

Aten minit 20 daram gap hkat ai hta Myen de na hkala nba hkrat sum ai lam nga tim, KIA de na n nga ai lam, matut chye lu ai.

Ndai gasat gala byin ai hpang, Myen hpyen n-gun ni hpe manghkang byin ai ginra makau de jat tawn sai lam, myi-chyaw-mu buga masha ni tsun ai.

Munggu ginra gaw, shawng de Myen Mung Kummyunit Pati (CPB) a ginjaw hte Dukaba Mungsa La woi awn ai Munggu Makawp Maga Dap (Mongkoe Defense Army) rai wa sai hte, ya Du Zawng woi awn ai laksan KIA Dap a ginjaw re.

Laksan Munggu KIA Dap hpe Dapdung lahkawng--- 36 hte 38, hte hpaw shabawn tawn ai re.

Posted in: SHIGA