KIA Dingdung GW de hpyen yen masha 10,000 grupyin nga

Myen hte KIA gasat gala lam a majaw, Jinghpaw Mungdaw a dingdung maga, matut mahkai yak ai KIA Dingda Ginwang de mung hpyen yen tsinyam 10,000 grupyin nga ai lam chye lu ai.

Dai ginra ni gaw Mali N’Mai Walawng, Mali Hkrang Walawng, N’Jang Yang, Sumprabum hte Hkawnglanghpu ginra ni re.

Gasat gala shara na mare buga masha ni gaw, “hpyen tsang ra jang nam maling ni de hprawng shingbyi nga nna, hpyen sim jang madu buga de bai nhtang wa rai” tsinyam hkrum nga ai lam, dai ginra na buga masha ni hpe lakap let chye lu ai.

Ya ten du hkra ndai ginra na hpyen yen masha ni gaw kadai kade a lakawn lanawn lam hpe mung grai n lu la ai lam sagawn chye lu ai.

Posted in: SHIGA