Kru ya laman Myen hpyenla 30 daram hkrat sum

Ginjaw ginra Laiza kaw mu lu ai KIA hpyenla ni.

Nhtoi kru ya, September praw 1 kawn 6 laman KIA hte byin ai gap hkat lam hta, Myen hpyenla 30 daram hkrat sum ai lam, KIA shiga lawk tsun ai.



Bai nna, hpyenla 10 daram mung hkala hkrum ai lam, KIA shiga lawk hku matut chye lu ai.

Ndai zawn Myen hpyen ni si hkrung si htan hte hkala nba hkrum ai shara ni gaw, Jinghpaw mungdaw Mali Hka Nu a sinpraw hkran hpyen man--- N’Mawk, Dawhpumyang hte Waimaw ginra kata ni hta re.

KIA maga gaw hkala nba n nga ai lam, KIA du salang ni tsun ai.

Hpyendu dingsa Ting Tsing woi awn ai ginjaw asuya gaw August 12 hta, asuya n’nan a shawng na shi laika sanglang dan poi hpe Naypyidaw mungdan daju e galaw nna, “KIO/KIA hpe gumlang hpung snr jahten sharun hpung” hku, masat jahpyak dat sai re.

Dai hpang, Myen-KIO datkasa ni lapran simsa lam hkrum bawngban nga ai lam ni mung, hkring mat sai.

Posted in: SHIGA