 |
| Myitkyina-Kambaiti Miwa ga jarit lam hku nna Jinghpaw mungdaw de gun rai htaw bang nga yang. |
Ndai zawn galaw ai madung yaw shada lam gaw “Mali-N’Mai Hka Mazup hta hka madim kaba shachyaw nga ai hpe jahkring kau lu na re” nga nna KIA ginjaw Laiza na hpyendu langai tsun ai.
Shi tsun ai, “Re, anhte ni ahkang n jaw ai. Mali-N’Mai hka madim galaw ai gaw mung masha ni yawng a matu hkrit tsang ra ai lam re. Ndai gun rai ni hpe Miwa ga jarit kaw na shalai nga ai re. Anhte gaw bilat hpe madung da na pat da ai re” nga ai.
Dai hta n ga kaga pat da ai gun rai ni hta--- hpri, pipe (pai) hte nam htun ni mung lawm ai lam, ga jarit hpaga la ni tsun wa ai.
“Masha hte sha hpa ni gaw mai lai ai. Raitim, bilat mawdaw gaw kachyi mung n shalai ai” nga nna, Myitkyina-Kambaiti lam Waimaw na buga masha langai tsun ai.
Lai wa sai June shata, Myen-KIA dinghku majan n’nan byin wa ai aten kaw nna Miwa ga jarit na bilat ga htaw bang ai lam hpe KIA pat hkum wa ai re.
Ndai zawn pat da hkrum ai Miwa ga jarit hpaga lam ni hta--- Myitkyina-Laiza lam, Myitkyina-Kambaiti lam, Manmaw-Loije lam hte Manmaw-Nam Hkam lam, ni lawm ai.
1 comments:
Wunpawng amyu sha ni sha n-ga, myen mung kata hta nga ai mung chying masha ni yawng kam hpa nga ai KIO-KIA ni e, Myen tai hpyen ai maw mawn ai lam yawng hpe ja ja ninghkap mu law.
Mung masha ni yawng mung n ra ai, Karai Kasang mung n ra ai lam ni re majaw, Karai Kasang mung KIA maga tsap nga ai re. Dai hpe hpa n hkrit ra ai.
Ndai zawn pat da ai majaw KIA hpe myen ni htu gasat wa na zawn nga tim hpa n tsang ra ai, N hkrit ra ai, Karai Kasang kaw ap da chyalu re majaw, Karai Kasang karum la na re.
Yehowa Karai Kasang anhte a Awng Padang re.
Post a Comment