Bawng amu galaw dabang (Ye-bet-tsa-hkan) gaw, Mandalay-Muse Miwa ga jarit hpaga lam, Nam Um mare kaw nna sinpraw dingda de deng 8 du hkra numshe shang ai, Dima mare makau Shwi Pyi Tit shara kaw re.
Bawng masha ni hpe dai shani masat nhtoi ang ai, “Mungkan Simsa Lam Nhtoi” hku nna shalawt dat ai re lam, dabang shang zing ai KIA Dapba 4 npu Dapdung 9, lit nga du salang ni tsun ai.
Bawng masha ni hta mung masa hte seng ai ni, laknak hpai hpung masha ni hte nanghpam kani lu sha ai ni lawm ai lam, KIA ni tsun ai.
Dung 9 hpyen hpung ni dabang shang zing ai hta, makau kaw na kani dawn dabang hpe gaw hpa n hkra ya ai lam, KIA du salang ni tsun ai.
Raitim mat wa ai bawng amu galaw dabang sin ai pyada 8 hpe gaw kalang ta n dat ya ai lam, chye lu ai.
17-ning simsa ladaw a shawng daw hta, ndai Myen hpyendap asuya a Shwi Pyi Tit kani dawn dabang hte amu galaw dabang hpe KIA Dapdung 9 ginra hta hpaw wa ai re.
Raitim, Myen gaw shi shawng simsa lam jahten nna, June praw 9 ya shani KIA Jinghpaw mungdaw hta gap hpang dat ai majaw, Jinghpaw mungdaw hte Sam mung sinpraw dingdung daw, lahkawng hta dinghku majan byin wa ai rai nga ai.
0 comments:
Post a Comment