Jinghpaw Shiga: 2013

Wednesday, October 30, 2013

Wang da kata na asuya dap shamu shamawt lam hpe KIA jaugawng kasat

4:14 PM Kachin News Group No comments

Hpyen shaman nga ai KIA hpyen hpung.

Wunpawng Mungdan Shanlawt Hpyen Dap (KIA) Masat (3) Dap Ba, Dap Dung (12) ginra de asuya dap Ts.K.Hk Masat (21) npu Masat (3) zai ladat hpyen n-gun (100) jan, Gumra (50) jan hte garum lung wa ai hpyen hpung ni Saga Nam Hkum sa lam Awng Nan mare dingsa mayan hta October 29, bat Lahkawng Ya shani majan byin ai lam chye lu ai.

Mung Ding Pa mare masha ni tsin-yam dabang de hprawng yen

4:11 PM Kachin News Group No comments


2011 ning June shata majan byin wa ten Laiza de hprawng du wa ai hpyenyen ni.

Jinghpaw mungdaw Manmaw ginwang Manje myu-ne Mung Ding Pa mare hta majan byin ai ten Nawku Jawng wang hta rim rawng hkrum ai kahtawng masha marai (500) jan gaw Manmaw Hpan Hka Kung tsin-yam dabang de hprawng yen nga sai lam mare masha ni kawn chye lu ai.

Asuya dap ni KIA dap jung ai shara de hpyen n-gun jat bang nga

4:08 PM Kachin News Group No comments

Wunpawng Mungdan Shanglawt Hpung (KIO) woi awn ai amyu sha laknak hpai hpung n’tsa tsang salang ni Ginjaw Laiza Muklum hta bawngban hpawng galaw na hkyen lajang nga ten asuya dap maga kawn KIA dap ni de shing shing rai hpyen n-gun jat bang wa ai lam chye lu ai.

Laiza amyusha laknak hpai hkrumra zuphpawng de uhpung shagu na dat kasa ni sa du

4:07 PM Kachin News Group No comments

Laiza amyusha laknak hpai hpung zuphpawng

Jinghpaw mungdaw hte mungdan ting madang gap hkat jahkring bawngban hpawng a matu Wunpawng Mungdan Shanglawt Hpung (KIO) ginjaw Laiza Muklum hta galaw sa wa na ‘ Ethnic Armed Organizations Conference’ amyusha laknak hpai hpung hkrumra hpawng de seng ang ai ntsa tsang salang ni gaw October (28) ya shani kawn du magang sai rai nga ai.

Asuya dap ni Mung Ding Pa na htingnut tim makau kaw naw nga ai majaw buga masha ni hkrit gari nga

4:02 PM Kachin News Group 1 comment

Myitkyina-Kambaiti lam de htu ai Myen asuya tat-ma 33 na hpyenla langai.

Jinghpaw mungdaw Manmaw ginwang Manje myu-ne Mung Ding Pa mare hta shamu shamawt nga ai Myen asuya dap ni gaw Oct. 25 bat Manga Ya jahpawt hkying 4 grupyin hta mare kawn htingnut mat ai raitim mare makau mayan hkan sha naw kasung taw nga ai majaw hkrit tsang nga dingyang re lam mare masha ni tsun ai.

Asuya pawnghpawm dap hte Saga Nam Hkum majan hta KIA (3) hkala

5:08 PM Kachin News Group No comments

Waimaw ginrang Sadung ginra hta shawnglam hkawm nga ai Myen asuya hpyenla ni.

Jinghpaw mungdaw, Manmaw ginwang Mabing myu-ne Wunpawng Mungdan Shanglawt Hpung (KIA) Dap Dung (12) ginra Saga Nam Hkum hta asuya dap hpawm ni Je U, Nam Hkan maga kawn htim lung shamu shamawt wa ai majaw Oct. 23 bat Masum Ya shani laja lana majan byin mat wa nna KIA hpyenla marai (3) hkala ai lam chye lu ai.

Mung Ding Pa mare masha 700 jan hpe asuya dap kawn nawku jawng kaw rim da

6:39 PM Kachin News Group No comments

Jinghpaw mungdaw Manmaw ginwang Manje buga Mung Ding Pa mare na mungshawa masha marai (700) jan hpe Myen asuya dap gaw October (22) bat Lahkawng Ya shani kawn Nawku Jawng hta shimlam la rim rawng da ai lam chye lu ai.

KIA htingnut da ai dap ni hpe Myen asuya dap ni shara la

6:43 PM Kachin News Group No comments

Hpakan ga, Ginsi sa lam KIA dap 6 gate kaw galai dung ai Myen asuya dap ni.

Wunpawng Mungdan Shanglawt Hpung (KIO) hte Myen asuya dat kasa ni Myitkyina hkrum shaga hpawng a hpang hpyen masa shamu shamawt lam a marang myit hkrum da ai hte maren KIA maga na dap nkau htingnut da ai hpe asuya maga kawn zing da ai lam chye lu ai.

KIO woi awn ai Laiza amyusha laknak hpai hpung zuphpawng kaba galaw sana

6:47 PM Kachin News Group No comments


KIO Ningbaw Malai Nban La Awng.

Asuya hte Wunpawng Mungdan Shanglawt Hpung (KIO) lapran bawngban hpawng hta myit hkrum da ai hte maren KIO woi awn nna amyusha laknak hpai hpung ningbaw ningla ni shanglawm ai mungdan ting dang gap hkat jahkring lam hpe ndai October shata htum (28-30) ya lapran Ginjaw Laiza Muklum hta galaw sa mat na re lam chye lu ai.

KIO mungshawa sanglang hpawng Laiza kaw galaw

6:47 PM Kachin News Group No comments

Oct-18-2013 ya Laiza dapshawa mungshawa, mungmasa sanglang hpawng.

Myen asuya hte amyusha laknak hpai hpung ni mungdan ting gap hkat jahkring lam hpe lata masat ka ai lam gaw laknak hpai ai hpung ni lapran chye na hkat ai hku gan la da ai rai nna, mungshawa a matu hpa akyu n rawng ai lam dai October (18) ya shani galaw ai mungshawa sanglang hpawng hta KIO salang langai tsun ai.

Asuya dap Hk.M.Y (507) shamu shamawt ai hpe KIA bawm kapaw bun

6:54 PM Kachin News Group No comments

Myen asuya dap Hk.M.Y 507 hte KIA Dap 27 lapran majan byin shara

Wunpawng Mungdan Shanglawt Hpyendap (KIA) Dapba (3) Dapdung (28) ginra de asuya dap Ts.K.Hk Masat (16) npu Hk.M.Y Masat (507) hpyen n-gun (100) jan hte shamu shamawt wa ai majaw Oct. 16 bat Masum Ya shani jahpawt KIA maga kawn bawm hte lahkawng lang kapaw bun dat ai lam chye lu ai.

NDF pati Bawk Ja a manghkang hpe lang hte lang jep joi

6:56 PM Kachin News Group No comments

Hpakan asuya tara rung de mare jep hkam na du wa ai, NDF pati Jinghpaw Mungdaw ningbaw Labyawng Bawk Ja

Jinghpaw mungdaw Hpakan myu-ne pyada dap hta manghkang lawnglam daw (3) hte rim ahkyak la hkrum ai National Democratic Force (NDF) pati a Jinghpaw mungdaw ningbaw Labyawng Bawk Ja hpe ndai shata du hkra sakse ni hpe lang hte lang shaw jep nga ai lam NDF pati ningtau ningbaw Slg. Tan U, KNG Jinghpaw Shiga Dap de tsun ai.

KIA Dapdung (12) hte Myen asuya dap majan byin

6:55 PM Kachin News Group No comments

Simsa lam bawngban jahkrup nga ai lapran kawn Wunpawng Mungdan Shanglawt Hpyendap (KIA) ginra de asuya ni hpyen n-gun jat bang nga dingyang ten hta Dap Nu Masat (99) hte KIA Dapdung (12) lapran yat hte shani hkying 5:00 ten hta gasat kala ai lam byin mat wa ai.