 |
| si-si-wong (dabang bum) |
Dai ni, March 24 aten pyen 2 jan e Myen hpyendap dapnu 99 hte KIA Dapba 6 Dung 37 lapran, Lahta Sam mung Da Bang Bum e aten du gasat hkat wa sai re.
Majan byin shara, shawng de Myen mung kummyunit pati B.K.P hpyendap Si Si Wang Ta Ban Kung, Jinghpaw hku Da Bang Bum gaw Namtau hte Mungbaw lapran nga ai re.
Myen Dapnu 99 hpyen hpung langai gaw Namtau maga na Mungbaw de lung wa ai shaloi, KIA Dapba 6 kata n’nan hpaw ai Dung 37 dap ni, bawm 3 hte shawng hkap kapaw ai hpang aten kadun gap hkat wa ai lam, KIA Dapba 6 salang langai KNG Jinghpaw Shiga Dap de tsun ai.
Myen maga si hkala marai 7 nga na maram lu ai lam, shawnglam shiga hpe lakap nna lahta na Dapba 6 salang wa tsun ai.
Lai wa sai February htum wa de, KIA Dapba 6 hpe Lahta Sam mung hta tara shang hpaw dat sai. Dai zawn hpaw dat ai hpe ja ja ninghkap ai lam Myen asuya tsun nna, dai jang hpyen n-gun kaba Lahta Sam mung de shalun ai gaw ya ten 3,000 jan wa sai lam sagawn chye lu ai.
Myen hpyendap kata Dapnu (Tat-ma) yawng 10 tup nga ai hta, ya ten 5 -- Masat 11, 55, 66, 88 hte 99 ni gaw, grau nna KIA Dapba 6 ginra--- Munggu, Mungbaw, Pang Sai (Kyukok) hte Manje ginra ni hta du jahkrat nga sai re.
0 comments:
Post a Comment