Ningtau gumsan marai lahkawng hpe NLD lata san

NLD lata dat ai ningtau gumsan slg lahkawng

Daini March 10, Nay Pyi Daw ningtau gumsan magam tang shawng ai lamang hta Slg.jan Aung San Su kyi woi awn ai NLD pati hku nna Pyithu Hluttaw malai Slg. Htin Kyaw hte Amyotha Hluttaw malai Hkang amyusha Slg. Henry Ban Hti Yu, yan hpe lata shagrin dat sai.


2008 gawda ai tara a majaw Slg.jan Su Kyi gumsan magam n mai byin sai hte shi kamhpa ai rau jawng lung manang rai nga ai, asak laning mi kaji ai Slg. Htin Kyaw, 69 hpe ningtau gumsan magam hku nna tang ai re.

Bai nna shawng ningnan lang Hkang amyusha Slg. Henry Ban Hti Yu hpe mung Lahta Rapdaw malai ningtau gumsan magam hku nna NLD lata san ai rai nga ai.

Hpyendap malai ningtau gumsan magam kadai rai na hpe gaw tara shang ndau ai lam ya ten du hkra n galaw shi ai re.

Ya yang Slg. Htin Kyaw hpe Myen mung a shawng ningnan lang na hpyendap masha n re ai sha mungshawa gumsan magam tai wa na hpe yawng gaw myit mada nga ai re.

Daini na lamang hte seng nna Slg.jan Aung San Su Kyi woi awn let Nay Pyi Daw, Si Pyin Yeik Thar hta NLD malawm ni ya ten sanglang hpawng galaw nga ai re.

Posted in: