Mali Hka madim hpang na Miwa bai shakut na tsun

Thein Sen and Lui Zhennin

Ninghkap pat hkum ai masha law wa ai majaw 2011 September kaw nna gan jahkring da ai Mali Hka madim kaba hpe, ya NLD asuya lak htak bai shachyaw lu hkra shakut na nga Miwa mung maigan matut mahkai hkringmang dap, ningtau hkringmang Slg. Lui Zhenmin, March 17 mani tsun ai.


2011 Myen gumsan Thein Sen hku nna Mali Hka madim shachyawm nga ai hpe jahkring kau ai gaw myit n pyaw hpa raitim, myit hkrum ta masat htu da ai gaw ya du hkra asak naw hkrung dingyang re nga, shi tsun ai.

Ndai Mali Hka wanjak masing gaw Miwa hte Myen, maga lahkawng a matu ahkyak ai re lam hpe,
du na bat galaw na Miwa hkringmang daju hte Sinpraw Dingda Asha Dan mungdan 5 ningbaw ni a zuphpawng n hpang shi ai ten, MiwaSlg. Lui Zhenmin gaw shiga dap ni hpe tsun ai re.

“Ya asuya gaw aten n nga sai re majaw asuya ningnan lung wa ai hte rau Mali Hka madim masing hpe bai hpang lu hkra shakut sa wa na” nga shi tsun ai re.

Bai nna Miwa asuya maga NLD hpe Mali Hka madim hte seng nna tsun shaga da ai lam ni mung nga ai lam NLD salang langai tsun ai.

Raitim, NLD a tsun gatsun a hkaw ahkang lu, Dr. Zaw Mying Mawng hku nna gaw mung shawa a myit ra ai hku sha hkan sa na re lam hpe htang shana da sai re.

Ndai Mali Hka madim masing a majaw masing jahkrat da ai Myitkyina a dingdung deng 27, Tang Hpre hte gyup yin mare ni hpe shara htawt sit shangun ai majaw, mung shawa ni jam jau nga ma ai re.

Bai nna, Mali Hka madim masing hpe tsepkawp jahkring kau lu na matu March 14 ‘International River Day’ mungdan gadaga hka shi hka nu nhtoi e ginra buga masha ni hte Jinghpaw mung shawa wuhpung wuhpawng ni, jawm hpyi lajin dat ai re.

Posted in: