 |
| KIA Dapba 6 hpyen hpung, Munggu, lahta Sam Mung |
Wunpawng Mungdan Shanglawt Hpung KIO ginjaw Laiza e dai hpawt hkying 10 hta shiga sanglang hpawng galaw nna KIA dapba 6, kani nanghpam hte hpyen yen hte seng ai lam masum hpe ndau laika shapraw dat ai.
Ndau hta, Wunpawng Mungdan Shalawt Hpyendap KIA Dapba (6) hpe lahta Sam mung hta “2016 February 26 ya shani hpaw ninghtang ai n re sha Myen hte KIA majan ningdaw kalang bai byin wa ai hta hkan nna Dapba 6 hpe 2011 October 22 ya shani hpaw da she re lam” sanglang tawn ai.
Shawng de Myen mung kummyunit pati (Ba-Ka-Pa) ginjaw Munggu ginra hta KIA Dapba 6 hpaw jat ai hpe ‘ja ja ninghkap ai lam’ Myen asuya UPWC, simsa lam hkrang shapraw komiti gaw February 29 hta ndau laika shapraw nna, dai hte maren Jinghpaw Mungdaw Manghkang Hparan Jasan Hpung gaw March 3 hta laika hte KIO hpe shana ai re.
Dai hta n ga, mungshawa Pat Jasan Hpung a magam bungli ni hpe KIO hku nna madi shadaw nga ai hte dai magam hta asuya ahkaw ahkang lu ni hte mungshawa wuhpung wuhpawng ni kaw nna mung garum shanglawm na matu hte, KIO hku nna mung kani nanghpam pat jasan lam hpe dangdi ai made galaw nga ai lam ndau dat ai re.
2011 June shata Myen asuya hte KIO majan bai byin ai 5 ning hpring na shata masum tup ra ai daini bat Masum Ya du hkra Jinghpaw mundaw hte lahta Sam mung hta hpyen yen masha (IDPs) jahpan 100,371 du nga rai sai lam hte Myen asuya gaw IDPs hte seng nna lit la hparan ai hta naw ning ra ai lam madi madun da ai.
Jan Aung San Su Kyi woi awn ai NLD, Myen Mung Dimokresi Ginjaw pati asuya n’nan galai na bat masum sha ra sai aten gumsan magam lata na mying jahpan shapraw na shawng shani, daini na nhtoi hta KIO a ndau laika ni pru wa ai re.
0 comments:
Post a Comment