Slg. Htin Kyaw gumsan magam ga shaka hkam la

Myen mung shawng ningnan gumsan magam-UHtin Kyaw

Labau shang mungshawa ni lata san ai Slg. Htin Kyaw gaw Myen mung a gumsan magam hku nna ‘ga shaka la dagam ai lam’ hpe Nepyidaw Munghpawm Rapdaw e daini March 30 hta angwi apyaw galaw lu sai re.

Gumsan magam hte ningtau gumsan magam lahkawng, rau jawm ga shaka la ai lamang hpe jahpawt hkying 10 e galaw nna, gumsan magam magam lit ap ya ai lamang hpe gaw hkying 11:30 am e gumsan magam nta hta galaw ai re.

Gumsan magam n’nan Slg. Htin Kyaw a shawng ningnan lang na mungga hta shi a asuya ladaw manga ning laman, lam yan mali hpe madung dat galaw sa wa na re lam tsun wa sai.

Dai ni gaw, amyusha mahku mara lam, mungdan simsa lam, federal democracy munghpawm de man yawng ai gawda ai tara (constitution) pru wa hkra galaw na lam hte, mungchying mungshawa nga sat nga sa madang tsaw wa hkra, galaw sa wa na re lam ni, rai nga ai.

2015 ra lata poi dang ai Amyusha Democracy Ginjaw pati (NLD) hta, kaja wa gumsan magam tai ra ai gaw pati ningbaw Slg.jan Awng San Su Chyi raitim, shi n mai tai hkra 2008 hpyendap ka ai gaw da ai tara hta pat hkum tawn ai re. Dai re majaw, Slg.jan Su Chyi shi kam hpa ai Slg. Htin Kyaw hpe mahtang gumsan magam tai na dang dat ai re.

Posted in: