Myen mung a shawng ningnan mungshawa gumsan magam pru wa

Shawng ningnan ra lata gumsan magam Slg.Htin Kyaw

Shaning 50 ning jan e shawng na mungshawa ra lata ai gumsan magam hpe dai ni Naypyidaw Pyihtaungsu Hluttaw hta Slg.jan Aung San Suu Kyi a kam hpa dik ai Slg. Htin Kyaw hpe madi shadaw me law dik htum hte lata san dat sai re.


Matut nna gumsan magam malai 1 hku nna hpyendap masha Slg. Myint Swe hte gumsan magam malai 2 hku nna NLD masha Hkang amyusha Slg. Herny Ban Hti Yu, yan hpe lata shagrin dat sai.

Gumsan magam lata hkrum ai Slg.Htin Kaw gaw madi shadaw me 360 law dik, ningtau gumsan magam 1 Slg. Myint Swe gaw me 213 hte Slg. Henry Ban Hti Yu gaw me 79 hte Rapdaw kaw nna shatsam dat ai lam rai nga ai.

Rapdaw lahkawng pawng dat kasa 664 nga ai kaw na dai ni na zuphpawng hta yawng 652 shanglawm let gumsan magam hte ningtau gumsan magam ni hpe me jaw lata ai re.

2008 gawda tara kanu 59 (f) a majaw gumsan magam n mai byin ai Slg.jan Suu Kyi gaw shi kam hpa ai, chyinghkai kanu Daw Khyin Kyi Foundation a ningbaw hte NLD salang, Slg. Htin Kyaw hpe gumsan magam hku nna lata san dat ai lam mung rai nga ai.

Posted in: