Myen asuya ninghkap ai laika pa ni Myitkyina kaw agat

Jinghpaw Mungdaw mare daju Myitkyina kaw Jinghpaw hte Myen jawngma ni jawm nna, Myen asuya ninghkap ai laika pa 1,600 jan hpe, lai wa sai August praw 5 ya shani hta agat ayai shakap ai lam ni galaw sai lam, jawngma ni tsun ai.
Lata hte ka tawn ai, laika pa ni hta “Simsa ai lam ya jang jaw rit, mung shawa masha hpe hkum sat, mung shawa masha hpe makawp maga ya rit, zing ri ai lam ni hpe jahkring u, mung shawa a arung arai ni hpe hkum jahten” nga ai lam ni hpe ka tawn ai lam chye lu ai.

Ndai laika pa ni hpe, ‘Mung shawa a myit ra’ ngu gabaw shadut da ai hte, ndai laika pa ni hpe, Myitkyina mare a lawk 9 ting hta agat ayai shakap dat sai re lam, jawngma ni tsun ai.

Lai wa sai 1988, shata 8, nhtoi 8 ya shani, Myen dakkasu jawngma ni woi hpang dat ai, mung hta kaba dik democracy shawa n-gun madun poi gaw, ya August 8, 2011 hta 23 ning hpring ladu hkrum sai rai nga ai.

Posted in: SHIGA